Ф. Диханбаева, Г. Кузембаева, К. Кузембаев, А. Матибаева азық-ТҮлік тауарларын тану және сараптау

8.3.1. Маргарин сапасына сараптау

Маргаринді органолептикалық бағалауда түсін, иісі мен дәмін, мөлдірлігін мен концистенциясын бағалайды.

Оның консистенциясын анықтау үшін майды металл шпательмен басып көріп анықтайды.

Органолептикалық анықтау кезінде түссіз шыныдан жасалған пробирка жартысына май толтырып, 60–70 ºС температуралы су моншасына еріту үшін қояды, содан соң 60–70 ºС температурада мөлдірілігін күндізгі жарықта қарап анықтайды.

Асханалық маргариндер жоғары және бірінші сұрыпты болып өндіріледі. Маркалы және дәмдік қоспалары бар маргариндер сұрыптарға бөлінбейді.

Барлық маргариндердің дәмі мен иісі таза, сүтті сүт қышқылды хош иісі бар болуы керек. Маргарин консистенциясы 10 С температурада жеңіл еритін, біртекті, созылмалы, жылтыр. Бірінші сұрыптың жылтыры төмендеу болады.

Маргарин түсі ашық-сары, құрамы біркелкі болуы қажет.

Маргарин құрамындағы ылғалдың мөлшері 16–17 % аспауы керек. Балқу температурасы 27-ден 32 С дейін.

Маргарин ақаулары:

Ашыған дәм – маргарин өндіруде сапасыз шикізат қолданғанда және маргаринді дұрыс сақтамағанда пайда болады.

Айқын білінетін өсімдік майының дәмі жеткіліксіз мөлшерде рафинадталған майды қолданғанда пайда болады.

Таза емес дәм майларды дұрыс дезодораттамағанда және маргаринді дұрыс сақтамағанда пайда болады.

Маргарин бетінде су тамшыларының шығуы – майды дұрыс эмульсияламағанда пайда болады.

Үгілгіш консистенция немесе қатты консистенция маргарин өндірудің технологиясы бұзылғанда пайда болады.