Орамжапырақ көкөністеріне ақ қауданды, қызыл қауданды, гүлді, савой, брюссель және кольраби орамжапырақтары жатады. Ақ қауданды орамжапырақ көкөністердің тағамдық құндылығы құрамындағы қант, минералды заттар, дәрумендер, ақуыз және т.б. мөлшерімен анықталады. Савой және брюссель орамжапырағында азотты заттар (4,8%) көп. Азотты заттардың жартысын ақуыздар алады. Орамжапырақ көкөністерінің құрамына күкіртті ақуыздар кіреді, бұл одан жасалған тағамдардың өзіндік иісін түсіндіреді. Орамжапырақ көкөністері В1, В2, В3, РР, Е, фоли қышқылы дәрумендердің көзі, ол ағзада холистериннің мөлшерін төмендетуге, қан аздық ауруының алдын алуға ықпал етеді. Сонымен қатар орамжапырақта антисклероз әрекетіндегі холин дәрумені және гастрит, асқазан жарасын емдейтін U дәрумені бар.
Достарыңызбен бөлісу: |
