Мастер класс: Фармацевтикалық нарыққа шолу.Коронавирустық инфекцияның пандемиясын жариялау және оның Қазақстанда өткен жылдың жазында басталған алғашқы толқыны отандық фармацевтикалық нарықтың жалпы көрінісіне айтарлықтай әсер етті. Мәселен, "IQVIA" халықаралық талдау компаниясының деректері бойынша бөлшек сауда мен ТМККК үшін сатып алуды ескере отырып, қазақстандық фармацевтикалық нарықтың құндық көлемі 2020 жылдың 11 айының қорытындысы бойынша өткен жылдың ұқсас кезеңімен салыстырғанда 22% - ға өсті. Бұл ретте бөлшек сегментте фармацевтикалық өнімді өткізу көлемі 18% - ға ұлғайды.2020 жылы нарықтың оң серпінінің негізгі факторлары дәрілік заттарға сұраныстың күрт артуы, олардың құнының өсуі және жаңа препараттардың пайда болуы болды. Коронавирустық пандемияға байланысты нарықта коронавирустың алдын алуға және оның салдарымен күресуге көмектесетін көптеген жаңа препараттар пайда болды. Қалыпты уақытта жаңа дәрі-дәрмектер нарықта ұзақ уақыт бойы пайда болады, бірақ пандемия жағдайында уақыт айтарлықтай қысқарды, бұл дәрі-дәрмектердің өзіндік құнына әсер етті.
Қазақстан нарығында импортты тұтыну үлесі бес жыл ішінде 1,1 млрд, АҚШ долларын құрап, 80% шегінде қалып отыр. 2019 жылдың қорытындысы бойынша дәрілік заттардың негізгі импорттаушысы Германия болды. Импорттың ең үлкен көлемі:
Бүгінгі таңда отандық фарминдустрияда 96 кәсіпорын жұмыс істейді, олардың 33 — і дәрілік заттар, 41-і медициналық бұйымдар және 22 кәсіпорын медициналық техника өндіреді. 2020 жылы отандық кәсіпорындар өндірісті 34,1% – ға немесе 81,5 млрд теңгеге ұлғайтты (2019 жылы - 57,6 млрд теңге). Салаға инвестициялар 5,2% – ға ұлғайып, 4,1 млрд теңгені құрады (2019 жылы - 4,09 млрд теңге).
Ө з кезегінде отандық фармацевтикалық индустрияның өндіріс көлемін арттыруда Бірыңғай дистрибьютор ("СК-Фармация" ЖШС) маңызды рөл атқарады, өйткені отандық тауар өндірушілерді және кәсіпкерлік бастаманы дамыту мәселелері Бірыңғай дистрибьютор қызметінің басты басымдықтарының бірі болып табылады. Қазақстанда бірыңғай дистрибуция енгізілген сәттен бастап 10 жылдық кезеңде сатып алу көлемі ақшалай мәнде 8 есе өсті. Сапалы дәрілік заттармен және медициналық бұйымдармен сатып алуды орталықтандыру есебінен жыл сайын әкімшілік-аумақтық тиесілігіне қарамастан, бүкіл ел бойынша 2 миллионға жуық диспансерлік пациент және 2 мың медициналық ұйым тең бағамен қамтамасыз етіледі.
