Оқу әдебиеті – оқытудың, тәрбиелеу мен дамытудың мақсаттары мен міндеттеріне жауап беретін оқулықтар мен ОӘК-лер жиынтығы (нормативті-құқықтық түсіндірмесі).
Оқу курсы – екі не одан да көп оқу жылы бойында оқытылатын пән немесе пәндер жиынтығы.
Оқу-әдістемелік жинақ – мектептің белгілі бір сатысына арналған оқулық басылымдардың, атап айтқанда оқулықтар мен ОӘК-лердің жиынтығы.
Оқу-әдістемелік кешен(ОӘК)– оқу-тәрбие процесінде пайдаланылатын және оқу бағдарламаларымен көзделген білімді кеңейтуге, тереңдетуге және үздік меңгеруге арналған оқу құралы (нормативті-құқықтық түсіндірмесі).Бұған оқулық, оның әдістемелік нұсқауы, оқытудың түрлі құралдары, пән дәптері т.б. жатады.
Оқулық – оқу пәні, оның бөлімдері, бөліктері жүйелі түрде мазмұндалатын үлгі оқу бағдарламасына сәйкес келетін және осы басылымның түрі ретінде Білім және ғылым министірлігі арқылы ресми бекітілген, оқытуға арналған кітап (нормативті-құқықтық түсіндірмесі).
Оқулықтану – қолданбалы педагогика мен кітаптану салаларының тоғысындағы жатқан ерекше сала (Д.Д. Зуев).
Оқыту теориясы – адам баласының білімді қалай танып білетіндігін көрсететін, мұндағы жалпы, қайта-қайта тексеруден өткендіктен сенімді саналатын принциптерден және тікелей шолу не тексеруді мүмкін ететін құбылыстардың теориялық құрастырмалары мен ойша бейнелерінен тұратын теория.
