Инклюзивті білім беру жағдайындағы психологиялық-педагогикалық сүйемелдеу ортасы. Қазіргі жағдайда инклюзивті білімді еңгізуде
бірнеше кедергілерді анықтауға болады:
-инклюзивті білім беру стандартының жоқтығы;
-жалпы
білім
беру
мектептерінің
бағдарламасының және мазмұнының мүмкіндігі
шектелген балаларға сәйкессіздігі;
-жалпы білім беру мектептерінің педагогикалық
ұжымның мүмкіндігі шектелген балалармен жұмыс жасауда арнайы
дайындығының жоқтығы.
-коррекциялық педагогиканың және арнайы психология негіздерін,
мүмкіндігі шектелген балалардың психофизиологиялық дамуының негіздерін,
білім бере түзете-дамыта оқыту әдістерін және технологияларын
меңгермегендігі;
-материалды-техникалық құрал-жабдықтарының жетіспеушілігі.
Мүмкіндігі шектелген балаларды психологиялық-педагогикалық сүйемелдеу арнайы мамандармен іске асырылады: педагог-психологтармен,
мұғалім-логопедтермен, әлеуметтік педагогтармен, мұғалім-дефектологтармен.
Мүмкіндігі шектелген балалардың қатер тобын анықтауда мамандардың
психологиялық-педагогикалық іс-әрекетті кәсіпкерлігі жоғары болумен қатар
диагностика жүргізуде стандартталған технологияларды және бірыңғай
әдістемелік қамтамасыз етуді талап етеді.
Білім беру үрдісінің қазіргі кезеңдегі оқыту мен тәрбиені қамтамасыз ететін
механизмдерінің бірі сүйемелдеу үрдісі (қолдау және көмек). Ол барлық
балалардың, соның ішінде психикалық және физикалық дамуының
проблемалары бар балалар үшін де толыққанды дамуының әлеуметтік кепілдігі
болып анықталған.
Психологиялық-педагогикалық сүйемелдеу дегеніміз–мүмкіндігі
шектелген балаларға және ата-аналарға түрлі бағыттағы мамандардың біріккен
көмегімен тәрбиелеу, дамыта оқыту және әлеуметтендіру міндеттерін шешуде
психологиялық-педагогикалық
қолдаудың
кешенді
технологиясы.Түрлі
бағыттағы арнайы мамандардың кешенді іс-әрекеті бағытын және сүйемелдеу
жүйесінің мазмұнын нақтылауы денсаулығында ақаулығы бар балаларды
оқытумен тәрбиелеудің жалпы міндеттерімен анықталады. Ол- баланың жалпы
қоғам ортасында әлеуметтік және еңбектік бейімделуі.
