Сұйық ашытқыларды дайындау жəне қолдану. Нан өндірісін-
де престелген ашытқымен қатар, зауыттың өзінде дайындауға бола-
тын сұйық ашытқыны жəне бидай сұйық ашытқысын пайдаланады.
Сұйық ашытқы деп А. И. Островскийдің тəсілі бойынша, бірінші
кезеңінде жылу сүйетін сүт ашытқысы бактерияларын қосып, 45-
54°С-да дайындалған, су мен ұн суспензиясын ашытып, ал екінші
кезеңінде оны 28-30°С дейін суытып, ашытқы қосып дайындалған
шала фабрикаттарды айтады.
Бидай сұйық ашытқысы деп тек 28-30°С-да ыстықты онша ке-
рек етпейтін сүт қышқылы бактериялары мен ашытқы бірге қосып
дайындалған суспензияны айтады.
Осы сұйық ашытқыларды пайдаланғанда одан керекті бөлігін
құйып алып, ашытқы ретінде қамыр илеуге пайдаланады да, қалған
сұйық ашытқыларға сонша қоректік су мен ұн ерітіндісін қосады.
Сонда келесі пайдаланғанша сұйық ашытқылар өзінен-өзі дайын
бола береді.
