Ж. Т. Лесова Х. Х. Макажанова С. А. Надирова тағам жəне биотехнологиялық Өндірістерінің микробиологиялық негіздері оқулық
Ашытқылардың таза культураларын сақтау əдістері
жүктеу/скачать 4,39 Mb. Pdf көрінісі
|
lesova tagam zhne biotehnologiyalyk ondiristerinin mikrobiologiyalyk negizderi
| Ашытқылардың таза культураларын сақтау əдістері. Ашыт-
қылар арнайы таза культуралар мұражайында, зауыт зертханаларында, қажетті жағдайлар қамтамасыз етілгенде, белсенді күйде сақталады. Бұл сақтау əдістері ашытқы расаларының культуралды жəне морфологиялық қасиеттерін өзгеріссіз сақтауға бағытталған. Бірінш тəсіл – ашытқыларды агарлы қоректік ортада сақтау. Ашытқыларды жаңа қоректік ортаға көшіру 14-12 күн сайын жүргізіледі. Агарлы қоректік орта. Сұлының уыты (құрғақ заты 12%) – 49,5%, тазартылған меласса ерітіндісі (құрғақ заттары – 6-8%) – 49,5%, ашытқы автолизаты (құрғақ заттары – 9%) – 1,0%, агар-агар-2%. Сұйық қоректік орта. Ашытқыларды жаңа қоректік ортаға көшіру алдында, міндетті түрде белсендендіру үшін сұйық қоректік орта қолданылады. Жаңа қоректік ортаға көшіру уақытын қатаң қадағаламаған жағдайда, агарлы ортаның бетіндегі ашытқы клет- каларында споралар пайда болып, культураның қасиеттері өзгеруі мүмкін, əсіресе ол гибрид болса. Екінші тəсіл – вакуум астындағы мұздатылған күйде кептіру – лиофилизация. Ашытқылардың қою суспензиясын зарарсыздандырылған пробирка-ампулаға құйып, минус 40°С тем- пературада, вакуум астында кептіреді, жабады, тоңазытқышта неме- се бөлме температурасында сақтайды. Осылайша культураларды 3 жылға дейін сақтауға болады. Үшінші тəсіл – 10%-дық сахароза ерітіндісінде консервациялау. Сахарозаның зарарсыздандырылған ертіндісіне бактериологиялық петлямен агарлы қоректік ортада өсірілген, екі күндік ашытқы куль- тураларын егіп, ауызын жауып, бөлме температурасында сақтайды. Бұл кезде ашытқы культуралары көбеймейді, яғни анабиоз күйінде болады. Сахароза ертіндісі құрғап қалмаса, олар 6-12 айға дейін сақталады. Əрі қарай өндіріске бұл ашытқыларды пайдалану үшін, сахаро- залы ерітіндісі бар флаконнан (ілгішпен не залалсыздандырылған пипеткамен) ашытқылар культурасын асептикалық жағдайларды сақтай отырып, сұйық қоректік ортаға егіп, белсендендіреді. Төртінші тəсіл – вазелин майы қабатының астында сақтау. Агар- лы қоректік орта бетіндегі 2-3 тəуліктік культураларды, май толық жауып тұратындай етіп, вазелин майын құяды. Май ортаны құрғап кетуден сақтайды, бірақ ашытқылардың біртіндеп дамуына кедергі бола алмайды. Осы əдіс арқылы ашытқыларды 6 айдан 2 жылға дейін сақтауға болады. Агарлы қоректік ортаға майды құю үшін, тығыздығы – 0,8- 0,9, медициналық вазелин майын қолдануға ұсынады. Май- ды алдын ала автоклавта залалсыздандырып, кептіргіш шкафта ылғалдыдылығынан айырады. Барлық асептика ережелерін сақтап, маймен орта бетін жабады. Май қалыңдығы 1 см-ден аспауы керек. Маймен жабылған культуралар бөлме температурасында немесе тоңазытқышта 4-6°С температурада сақталады. жүктеу/скачать 4,39 Mb. Достарыңызбен бөлісу:
|