К. Алтаева жазбаша сөйлеу мəдениеті оқу-əдістемелік құрал Алматы
жүктеу/скачать 0,83 Mb. Pdf көрінісі
|
|
Қосарлы дауыссыздардың емлесі 1. Қосарлы сс, лл, тт, мм дыбыстарына біткен сөздер түбір қалпында өзгеріссіз жазылады. Мысалы: прогресс, металл, киловатт, грамм. Орыс тілінен енген бұл сөздерге қосымша жалғанғанда, қос дауыссыздың соңғы сыңары түсіп қалады. Мысалы: прогресс-прогрестің, прогресі; металл- металдан, металы; киловатт-киловатқа, киловаты; грамм-грамнан, грамы. 2. нд, мп, кт, нг, мб, ск, фт дыбыстарының тізбегіне біткен сөздер түбір күйінде өзгеріссіз жазылады. Оларға дауыссыз дыбыстан басталған қосымшалар ы немесе і дәнекері арқылы жалғанады. Мысалы: тренд-трендіге, трендіні; генофонд-генофондының; штамп-штампылау, штампыны; факт- фактіде, фактілер, фактіге, фактіден, фактісі, митинг-митингіге, митингіде, митингілер; ромб-ромбыға, ромбыны, ромбыда; Томск-Томскіге, Томскіден; киоск-киоскіде, киоскілер; шрифт-шрифтіден, шрифтімен. 3. ст, сть, зд дыбыстарының тізбегіне біткен термин сөздер түбір күйінде сол қалпында жазылады. Мысалы: журналист, ведомость, подъезд. Бұл сөздерге қосымшалар жалғанғанда, соңғы т, ть, д әріптері түсіріліп жазылады. Мысалы: журналист-журналиске, журналистер, журналистік; ведомость- ведомостың, ведомосқа, ведомосы; подъезд-подъезі, подъездер, подъездің. 4. Соңғы дыбыстары ог, уг болып келген сөздерге және рк, лк, кс, нкт, кль, брь, бль сияқты тіркес дыбыстарға біткен сөздерге қосымшалар әрдайым жіңішке түрде жалғанады. Мысалы: педагогтер, педагогі, педагогтік; геологтер, геологке; округтік, округке, округтер; парктен, паркке, паркі; полктер, полкке, полкі; факс, факске, факстің, факстен; пункттер, пунктке, пункті; ансамбль, ансамбльге, бинокльдер, бинокльдің, бинокльде. жүктеу/скачать 0,83 Mb. Достарыңызбен бөлісу:
|