К. Күзембаев, Г. К. Күзембаева, А.Қ. Смағұлова
Қоғамдық тамақтандыру кәсіпорындарының типтері
жүктеу/скачать 4,69 Mb. Pdf көрінісі
|
| 1.4. Қоғамдық тамақтандыру кәсіпорындарының типтері
Кәіпорын типін анықтау кезінде келесі факторлар ескеріледі: өткізілетін өнім ассортименті, даярлау түрлілігі мен күрделілігі; техникалық жабдықталуы (материалды база, инженерлі-техникалық жабдықталуы және жабдықтары, бөлмелер құрамы, архитектуралық - жоспарлық шешімдер және т.б.); қызмет көрсету әдісі; тұтынушыларға қызмет көрсету уақыты (күту уақыты, қызмет көрсету уақыты); персоналдың жіктелуі; қызмет көрсету сапасы (ыңғайлылық, сөйлесу этикасы, эстетика және т.б.). Мейрамхана - күрделі даярланатын, соның ішінде тапсырыстық және фирмалық тағамдар, алкогольді сусындар, темекі және кондитерлік өнімдердің кең ассортиментімен, демалысты ұйымдастырумен қатар (музыкалық - ойын сауық - бағдарлама, би, шоу балет және т.б.) тұтынушыларға қызмет көрсетудің жоғарғы деңгейіменен ерекшеленетін қоғамдық тамақтандыру кәсіпорны. Өткізілетін өнім ассортименті бойынша мейрамханалар балық, сыра, ұлттық немесе шетел аспаздығымен болып ажыратылады. Мейрамханалар төмендегідей ажыратылады: өткізілетін өнім ассортименті бойынша – маманданбаған және маманданған (балық, сыра, ірімшік және т.б.; ұлттық және шетел аспаздықтарымен мейрамханалар); орналасу жері бойынша- тұрғын және қоғамдық ғимараттарда, соның ішінде жеке тұрған ғимараттарда, қонақ үй, вокзал ғимараттарында, мәдени ойын-сауық және спорт нысандарында, демалыс аймақтарында, көлікте (вагон-мейрамхана және т.б.); тұтынушылар мүддесі бойынша (клубтық мейрамхана, спорт-мейрамхана, мейрамхана-түргі клуб, мейрамхана-салон); қызмет көрсету әдістері мен түрлері бойынша – даяшылар қызмет көрсететін мейрмахана, «швед үстелі» жүйесі бойынша қызмет көрсететін мейрамхана, жүріп қызмет көрсететін мейрамхана; бөлме құрамы мен тағайындалуы бойынша – стационарлы және жылжымалы (кемеде, пойызда); өнім өндіруді ұйымдастыру бойынша – шикізатта, жартылай фабрикатта жұмыс істейтін (алдын-ала даярлау), аралас типті асханалар, тарату асханалары. |