89
БӨЛЕКТАС – ж.а., Үлкеннарын а.о. Бөлектеу, оңашаланып көрінетін
тастары болғандықтан қойылған атау.
М.: Жұлдыздың бер жағында
Бөлектеу тұрған тас бар. Сол жерді Бөлектас деп атап кеткен[153].
БӨЛЕКТАУ – тау, Өрел а.о. Өзге таулардан оқшау, бөлек көрінетін
тау болғандықтан солай аталған.
М.: Көктастан кейін тұр. Басқа
таулардан оқшау тұр [100].
БӨРТЕК – жота, Катонқарағай а.о. Аса биік төбелері болғандықтан
қойылған атау.
Бөртек – диалект. аса биік, тым аласа емес, шоқат
төбелер деген мағынаны білдіреді[45,565б.].
М.: Жотаның үстінде үш
бөртесі болғандықтан, Бөртек деп аталып кеткен [98].
БӨРТЕК –ж.а., Өрел а.о. Жердің ерекшелігіне байланысты қойылған
атау.
Бөртек – диалект. ойлы-қырлы, белес-белес деген мағынаны
білдіреді [45, 565б.].
М.: Зират тұрған жота [131].
БӨРІК КЕТКЕН – жайлау тау, Алтынбел а.о. Таудың өте биік
болуына байланысты атау болса керек.
Бөрік ауыс. мағ. – таудың
үстіңгі бөлігі [45,571б.]; [138].
Достарыңызбен бөлісу: 
