ҚАЛИ ҚАБАҒЫ – ж.а. Катонқарағай а.о. Қабақта отырған Қали
атты адам атымен аталған жер атауы[163]; [107].
ҚАЛМАҚ БАСТАУЫ – ж.а., Алтынбел а.о. Қалмақтарға қатысты
оқиға негізінде қойылған атау[121].
ҚАЛЫҢАҒАШ – жер аты. Біріккен атау. Ағаштардың қалың, бітік
өскен жері[103].
ҚАЛЫҢҚОС – ж.а., Аққайнар а.о. Қатарлас, қалың отырған қосқа
байланысты қойылған атау. Себебі, қосты шөп шабу, егін салу, егін жинау, жылқыны қысқы отарда бағу кезінде көшіп-қонуға ыңғайлы, тігуі, жығуы оңай шағын уақытша баспана ретінде науқан кезінде жиі пайдаланған. [52,115 б.]. М.: Башалақтан ары орналасқан. Малшылар отырған жер [152].
ҚАМАЙҚҰЛАҒАН – ж.а., Аққайнар а.о. Жергілікті халықтың
тұрмысы тікелей тауға қатысты болып отырады, себебі, отынын, шөбін
таудан шауып, түсіреді, жеміс-жидегін таудан жинайды, аңшылық
кәсіппен де айналысады. Үнемі таулы-тасты, құз-жартасты өтуі, жүруі
қиын жерлерден күн көрісін айырып отырған елде тауға кеткендер
ішінде оқыс оқиғалар жиі болып тұратыны белгілі. Жаз уақытында елге
бара қалсаңыз, кімді іздесеңіз де «-тауға кеткен» деген жауап аласыз.
Аталған жер де Қамай деген адамның құлап-мертігуіне орай аталып
кеткен атау. М.:Адамның атына байланысты қойылған [124].
ҚАМШЫҚОРА – қыстау. Жердің ерекшелігіне байланысты
қойылған атау. Катонқарағай а.о. [163]; [107].
ҚАМЫСТЫ – ж.а., Жамбыл а.о. Қамыс мол өскен жер болғандықтан
қойылған атау. М.1. Қамыс – өзен, көл жағаларында, сондай-ақ сазды, батпақты, ылғалды жерлерде өсетін өсімдік [51,197 б.]. М.2. Қамыс (сын есім) + ты (қатыстық сын есім тудырушы жұрнақ) сөздерінің бірігуі арқылы жасалған атау. Мағынасы: «Қамыс мол өскен мекен» [15, 148б.]. М.: сол жерде бұлақ бар. Сол бұлақта қамыс өседі [105].
ҚАНАЙ – ж.а., Аққайнар а.о. Кісі атына байланысты қойылған атау.
М.1. Қанай - бейіттерінде аршылған заттар ежелгі темір дәуіріндегі мәдениетпен ұштасады [76,14 б.]
