Саралау – оқушыға мейлінше қолдау көрсетуді қалай жоспарлайсыз? Қабілетті оқушыға тапсырманы қалай түрлендіресіз?
Бағалау – оқушы білімін тексеруді қалай жоспарлайсыз?
Пәнаралық байланыс – Денсаулық және қауіпсіздік, АКТ-мен байланыс. Құндылықтармен байланыс (тәрбие элементі).
«Ойлан Жұптас Бөліс» әдісі бойынша тірек сөздерді пайдаланып, өз көзқарасын білдіріп, өмірмен байланыстыра отырып, шығармадағы психологизмді анықтау тапсырмасы барысында: Қолдауды қажет ететін оқушылар тірек сөздерді пайдаланып, көзқарасын білдіре алады. Өмірмен байланыстырып әдеби шығармадағы психологизмді анықтай алады. Ойларын жеткізу барысында оларға жетекші сұрақтар қою арқылы алға жетелеп, бағыт-бағдар беремін. Ақын неге өлеңмен сыраласады? Ақынның жан күйзелісі қандай сөздермен берілген? деп сұрақтар қою арқылы қарқынына байланысты қосымша уақыт беремін.
Орта деңгейдегіоқушылар тірек сөздерді пайдаланып, көзқарасын білдіре алады. Өмірмен байланыстырып әдеби шығармадағы психологизмді анықтай алады. Өз ойларын нақты тұжырымдау үшін көмекші сұрақтармен диалог арқылы қолдау көрсетіп, қосымша дереккөздер ұсынамын, ынталандырамын. Қосымша https://www.youtube.com/watch?v=o5J9axX6jNc youtub желісінен аудио жазбаны тыңдатамын.
Жоғары деңгейдегі оқушылар тірек сөздерді пайдаланып, көзқарасын білдіре алады. Шығарманы өмірлік мәселелермен байланыстыра отырып, психологизмді анықтай алады. Тың деректер арқылы өз ойларын дәлелдеуге бағыт-бағдар беремін, қолдау көрсетемін, ынталандырамын. Бұл оқушыларға шығармашылық деңгейін дамыта түсу үшін 2-3 шумақ өлең шығаруға тапсырма беремін.
