орталығынан шығатын, орталықтан тебетін нерв арқылы жұлындағы қозғалыс нервтерінің ядроларына
беріліп, тыныс алу еттерін жиырылтады. Өкпе мен плевраның орталыққа тебетін нерві кезеген және,
симпатикалық нерв талшықтарының, ал еттердің орталыққа тебетін нерві қозғалыс нервтерінің құрамына
кіреді.
Өкпенің ішіне кірген ауаның көлемі жеткілікті болған мезгілде, яғни ішке тыныс алғанда, өкпе мен
плеврадағы рецепторлар тітіркеніп, тыныс алғызатын еттердің жиырылуын рефлекторлық жолмен бөгейді.
Ал тынысты сыртқа шығарғанда, керісінше, өкпедегі белгілі бір ауа көлемі шығып, өкпе босаңсып ондағы
және плеврадағы рецепторлар тітіркенеді, ол тыныс шығаруға қатысатын еттердің жиырылуын
рефлекторлық жолмен бөгеп, тыныс алғызуға қатысатын еттерді жиырады. Сөйтіп, тыныс алу
рефлекторлық жолмен тыныс шығаруды реттейді, ал тыныс шығару рефлекторлық жолмен тыныс алуды
реттеп отырады. Тыныс алу процесінің рефлекторлық жолмен бірін-бірі реттеуі, яғни кезек-кезек
рефлекторлық жолмен реттеліп отырылуы өкпенің шамадан тыс созылмауына әсер етеді.
Өкпенің екі кезеген нервін кесіп тастаса да, тыныс алу процесі тоқтамайды, бірақ тереңдеп сирей
түседі. Оның себебі: орталыққа тебетін нерв талшықтары кесілгендіктен, тыныс алу орталығын бөгейтін
импульстер келмейді.
Мойынның симпатикалық нерві тітіркенсе, тыныс алу орталығы қозып, тыныс алу жиілейді.
Көмекей мен кеңірдектен өтетін ауа, жұтқыншақ пен көмекей нервтерінің ұшын тітіркендіреді. Осы
нервтер арқылы тыныс алу импульсі тыныс алу орталығына келіп, тыныс алу жиілейді әрі организм үстіртін
тыныс алады.
Тыныс алу орталығы тек қана тыныс алу органдарының рецепторларының орталыққа тебетін
импульстері арқылы, рефлекторлық және гуморальдық жолмен қозып қоймайды, басқа да органдардың
рецепторларында пайда болған импульске де өзінің жұмысын өзгертіп отырады. Мысалы: тыныс алу тері,
көру, есту, иіс және дәм рецепторларын тітіркендіргенде рефлекторлық жолмен өзгеріп отырады. Әсіресе,
тыныс алу жолдарының кілегейлі қабықтарының тітіркенуі қорғаныс қызмет атқарады. Оларға шаң-тозаң
түссе кілегейлі қабықтағы кемекей нервсінің ұшы тітіркеніп, дыбыс саңылауы жабық тұрса да, тыныс алу
қозғалысы үсті-үстіне жиілейді де, адам жөтеледі. Ал, егер тітіркендіретін заттар мысалы: аммиак буы
жұтқыншақ, таңдай тесігіндегі үш тармақты нервтің ұшын тітіркендірсе, рефлекторлық жолмен тыныс алу
бұзылады да, кейіннен тыныс алу тоқтаңды.
Жұтқыншақ таңдай тесігіне шаң-тозаң түсіп тітіркенсе, түшкіру рефлексі пайда болады. Онда тыныс
алу тереңдеп, тез әрі жылдам шығарылады, бұл рефлекс кезінде ауыз жабық брлғандықтан, ауа жылдам
және қатты дыбыс беріп шығады.
Тыныс алу орталығына үлкен ми сыңарлары қыртысының әсері. Сопақша мидағы тыныс алу нерв
орталығы аралық және үлкен ми сыңарларының қыртысында жатқан тыныс алу нерв орталықтарының
импульсіне бағынышты қызмет атқарады.
Тыныс алу қозғалыстарын адам өз қалауынша өзгерте алады. Мысалы, тыныс алуды біраз уақыт
тоқтатып қоюға немесе жиілетіп, тереңдетуге де болады. Сондай-ақ адамның рухани күйі және ішкі сезімі т.
б. әр түрлі әсерлері арқылы да тыныс алу қозғалыстарының өзгеруі мүмкін.
Организмнің әр түрлі тіршілік жағдайларына байланысты тыныс алу нерв процесі үлкен ми сыңарлары
қыртысындағы ең жоғарғы тыныс алу нерв орталықтарының сигналдары арқылы реттеліп отырылады.
Т ы н ы с алу п р о ц е с і н і ң г у м о р а л ь д ы қ ж о л м е н р е т т е л у і . Тыныс алу
орталығының жұмысы оны жуып тұратын қанның құрамына, әсіресе ондағы газдың құрамына байланысты
болады. Бұл жағдайды ғалымдар екі итті алып, бірінің қан тамырын екіншісіне байланыстырып тәжірибе
жасау арқылы дәлелдеген. Тәжірибеде бірінші иттің куре тамырын екінші иттің күре тамырымен
жалғастырған, сонда бірінші иттің бас миына екінші иттің денесінен келетін қан барады, ал керісінше,
екінші иттің бас миына бірінші иттің денесінен келетін қан барады. Егер осы екі иттің біреуіне көмір
қышқыл газын иіскетсе, газ иіскетілмеген иттің өкпе желдеткіші артады. Сол сияқты біреуінің кеңірдегін
қысып қылқындырса, оның қанында көмір қышқыл газы көбейіп, екінші иттің тыныс алу процесін
күшейтеді. Бұл тәжірибеден қанда жиналған көмір қышқыл газы тыныс алу орталығын қоздыратындығы
анықталды. Тыныс алу нерв орталығы орналасқан жерге көмір қышқыл газы бар ерітінді жіберу арқылы да
осы сияқты қорытынды алуға болады. Тыныс алу процесінің күшеюі нәтижесінде қанның құрамына
жиналған. артық көмір қышқыл газы шығарылады.
Тыныс алу нерв орталығына қандағы газдардың кернеуімен қатар қанның рН реакциясы да әсер етеді.
Сутегі ион концентрациясының артуы тыныс алу орталығын қоздырады. Көмір қышқыл газы — тыныс алу
орталығын қоздыратын ерекше зат. Өйткені оның меншікті қысымының өзгеруі тыныс алу орталығына
күшті әсер етеді.
Қан құрамындағы оттегі концентрациясының кем болуы тыныс алу қозғалысын күшейтеді және
рефлекторлық жолмен тыныс алу ырғағын тездетеді, ал көмір қышқыл газы қанда көбейсе жүрек ырғағын
сиретеді, әрі тереңдетеді.
Достарыңызбен бөлісу: