Мамытбаева жанат абдиманаповна
жүктеу/скачать 10,53 Mb. Pdf көрінісі
|
| Акмеологиялық тұғыр
– ғылымның жаңа теориялық және әдіснамалық бағыты ретінде болашақ педагогтердің кәсіби жетілуін, белгілі бір жетістікке қол жеткізуін, қоғамдық өмірдің рухани-адамгершілік негіздерін, құралдарын қамтиды. «Аcme» - болашақ педагогтердің тұлғалық дамуының шыңы, негізінен жоғары жетістіктері, тұлғалық дамуы және сарапшылық кәсібилігі бар бағдарламаларды жобалау мен іске асырудың шешуші мүмкіндігі. Акмеологиялық тұғырдың зерттелуіне өз үлестерін қосқан отандық зерттеушілер Г.К.Нургалиева [200], А.К.Ахметов [38,с. 6], А.К.Рысбаева [201]. Б.Г.Ананьевтің акмеологиялық тұғыр бойынша тұжырымында қосымша білім беруде жалпы педагогикалық акмеологияның негізгі әдіснамалық категориясы адамның қоғамдағы біртұтас дамуы, (педагог немесе білім алушы) жеке тұлғалық, даралық, тіршілік субъектісі ретінде қарастырылған [202]. Акмеологиялық тұғырдың міндеті білім алушының білім беру қызметіндегі жеке, рухани және кәсіби дамуында шыңға жетудің тетіктері мен шарттарын іздеу. «Акме» – адам дамуының шыңы, бұл, ең алдымен, оның жеке өзін-өзі дамытудағы жоғары жетістіктерді жобалау және жүзеге асыру қабілеті. Педагогтердің болашақ мектепке дейінгі білім алушыларға қосымша білім беру сапасын басқаруға акмеологиялық көзқарасын іске асыру жалпы білім беруді басқару жүйесінде, білім беруде, қолданылады. Мектепке дейінгі білім берудің жаңа, заманауи сапасына қол жеткізу баланың жеке басын дамытуға бағытталған жағдайлар жасаумен байланысты, ал педагог-тәрбиешінің кәсібилігінің жоғары деңгейі қазіргі қоғам мен ата-аналардың өзіндік ынтымақтастығы негізінде жүзеге асырылады. Акмеологиялық тұғырдың негізгі қағидаты - диагностика мен түзетуді; кешенділікті; кезеңділікті; психологиялық-акмеологиялық қызметтер жүйесінің өзін-өзі белсендіруін; кәсібилендірудің барлық кезеңдерінде көрініс береді. Ол 56 педагогикалық қатынастар кеңістігін фасилитациялауды, кері байланысты, рефлексивтілікті, өнімділікті акмеологиялық сүйемелдеу қағидаты болып табылады. Сонымен қатар, акмеологиялық тұғыр әдіснамалық принциптерге негізделген (жеке, субъективті-белсенділік, өзекті және әлеуетті қатынастар, оңтайлылық және т. б.), олардың есебі педагог-тәрбиешінің кәсіби субъект ретінде жеке басын зерттеуге мүмкіндік береді, мектеп жасына дейінгі баланы тәрбиелеу және дамыту жөніндегі қоғамның әлеуметтік өзін-өзі дамыту мен өзін-өзі жетілдіруді басқаратын субъект ретінде қарады. Акмеологиялық тұғыр адамның ішкі әлеуетін дамытуға және оның кәсібилігі мен бейімделуін арттыруға бағытталған. Олар жаратылыстану және гуманитарлық білім кешенін қамтиды және абсолютті негізге ие. Акмеологиялық тұғырдың сипаттамалары оны әзірлеу және енгізу бойынша субъектінің ішкі әдістеріне байланысты. Тұғырдың объектісі адам дамуының тәуелсіз саласы, өмір сүру әдістері мен құралдары, сондай-ақ кәсіби қалыптасуы. Акмеологиялық тұғырдың құрылымы төмендегідей ұсынуға болады: технологияның мақсаты мен міндеттері; әдістемелік негіз; даму принциптері; технологиялық үдерістің шарттары; нақты жағдайды талдау; нәтижелерді болжау әдістері. Акмеологиялық тұғырдың өзіне тән технологиялар бар: ойын (дидактикалық ойын, ойынды модельдеу технологиясы), психоконсультация технологиялары, оқыту технологиялары, дамытушылық оқыту технологиялары, тұлғаға бағытталған оқыту технологиясы, жоба әдісі. Зерттеу жұмысында негізге алатын келесі әдіснамалық тұғыр – іс-әрекеттік тұғыр. жүктеу/скачать 10,53 Mb. Достарыңызбен бөлісу:
|