«Мейірбике ісінің негіздері» пәнінен теориялық дәрістер және іс-әрекеттер жинағы
жүктеу/скачать 1,1 Mb.
|
- Бұл бет үшін навигация:
- Төсті пункциялау (стерильді пункция). Көрсеткіштері
- Жүргізу реті
| Іс-әрекеттің жүргізілу реті:
Науқас орындықтың арқалығы жағына қарап отырады, қолдарын кеуде тұсында қусырады немесе клеенкамен қапталған және орындықтың арқалығына салынған жастыққа қояды. Науқасты пункция жасалатын жерге қарама-қарсы жаққа қарай қисайту. Пункция жасайтын жақтағы қолды сау иыққа салу. Пункция қолтық асты артқы сызығы бойымен перкуторлы дыбыстың максимальді тұйық аймағында – әдетте жетінші-сегізінші қабырға аралығында жасалады. Тесетін жет йодтың спиртті ерітіндісімен, содан кейін 70% спирт ерітіндісімен, қайтадан йодпен өңделеді. Новокаиннің 0,25% ерітіндісімен жергілікті жансыздандыру жасалады (мейірбике дәрігерге новокаин ерітіндісі бар шприцті береді). Қабырға аралығын төменгі қабырғаның жоғарғы қыры бойымен теседі, өйткені қабырғаның төменгі қырымен тамыр-жүйке жүйелері өтеді. Сынау пункциясы үшін жуан инесі бар сыйымдылығы 10-20мл шприц, ал көп мөлшердегі сұйықтықты шығару үшін – элекросору қолданылады (шприцті беріп, элекросоруды қосу). Ине плевра қуысына кіргенде бос кеңістікке «түсу» сезімі болады. Диагностикалық мақсатпен шприцке 50-100мл сұйықтық алады, мейірбике оны алдын-ала белгіленген пробиркаға құяды да физико-химиялық, цитологиялық немесе бактериологиялық зерттеулерге жібереді. Сұйықтық көп мөлшерде жиналғанда тек 800-1200мл шығарады, өйткені сұйықтықты көп мөлшерде шығару көкірек қуысы мүшелерінің ауру жаққа қарай тез ығысуына және коллапсқа әкелуі мүмкін. Инені алғаннан кейін тескен жерді йодтың 5% спиртті ерітіндісімен сүртеді және залалсыз таңу жасайды. Пункциядан кейін науқас тәулік бойы кезекші мейірбике мен дәрігердің бақылауында болуы керек. Төсті пункциялау (стерильді пункция). Көрсеткіштері: жедел және созылмалы лейкоздар, миеломды ауру, Верльгоф ауруы, Аддисон-Бирмер ауруы, анемия, қатерлі ісіктің метастаздары. Қарсы көрсеткіштері: тромбоцитопения, миокард инфаркты. Жабдығы: залалсыз лоток, тесетін ине (И.А.Кассирий инесі), пинцеттер, инъекциялық инесі тар шприц – 2мл, 2 % новокаин ерітіндісі – 5мл, 70% этил спирті, залалсыз таңу заттары, заттық шыны, резеңке қолғап, лейкопластырь. Жүргізу реті: Науқасты шалқасынан жатқызу Резеңке қолғапты кию Спиртке батырылған залалсыз дәкелік сүлгіні пинцетке қысып алып төс аймағынның терісін екі рет өңдеу ІІІ-ІV қабырға аралығы деңгейінде төстің ортасындағы жұмсақ тіндерді 2мл 2% новокаин ерітіндісімен жансыздандыру Тесетін инені дайындау, ұшынан 13-15см жерге шектеуші қалқаншаны бекіту Пункцияны дәрігер жасайды Дәрігердің талабымен шприцті беру Жілік майының 2-3 тамшысын шприцке сорып алу Шприцтің ішіндегісін заттық шыныға төгу Тесетін инені алып, тескен жерді спиртпен немесе йодонатпен өңдеу Сол жерді залалсыз дәкелік сүлгімен жауып, лейкопластырьмен жапсыру Өңделген құралды дезерітіндісі бар ыдысқа салу Резеңке қолғапты шешіп, дезерітіндісі бар ыдысқа салу. жүктеу/скачать 1,1 Mb. Достарыңызбен бөлісу:
|