Мектепке дейінгі тәрбие мен оқытудың үлгілік оқу бағдарламаларын бекіту туралы
-параграф. "Әлеумет" білім беру саласы
жүктеу/скачать 0,52 Mb.
|
499 бұйрық
- Бұл бет үшін навигация:
- 5-параграф. 1 - жартыжылдық
| 4-параграф. "Әлеумет" білім беру саласы
242. "Әлеумет" білім беру саласының базалық мазмұны арнайы түзеу оқу қызметінде жүзеге асырылады - әлеуметтік-тұрмыстық бағдарлай білу. 243. Мақсаты - жақын тұрмыстық және әлеуметтік ортада балалардың өзбетінділігін қамтамасыз ететін біліктер мен дағдыларды қалыптастыру. 244. Міндеттері: 1) тұрмыстық іс-әрекетте өзбетінділікке үйрету; 2) ересектердің еңбегі және оның маңызы туралы түсініктерін дамыту; 3) жақын әлеуметтік ортада ересектермен және қатарластармен өзара қатынастарды орнату ережесі туралы ұғымдарды дамыту; 4) коммуникативті іс-әрекеттің вербальды және вербальды емес тәсілдерін жетілдіру. 5-параграф. 1 - жартыжылдық 245. Әлеуметтік-тұрмыстық бағдарлау қамтиды: заттық әлем, өзі туралы ұғымдары, жеке гигиена, көшедегі мінез-құлық ережесі, қоғамдық-тұрмыстық мекемелер, ересектердің еңбегі, мінез-құлық және қарым-қатынас мәдениеті. 246. Заттық әлем: 1) көру және сақталған анализаторлардың көмегімен заттардың қасиеттері мен белгілерін ажыратуға арналған жаттығу; 2) жалпылаушы ұғымдар шеңберін кеңейту. 247. Біліктерді үйрету: 1) заттардың бөлшектерін ажырату және атау; 2) түрлері жақын заттарды салыстыру; 3) пішіні, түсі, материалы, қызметі бойынша заттарды топтастыру. 248. Бала және қоршаған адамдар. Ұғымдарды дамыту: 1) өз денесінің негізгі бөліктері мен мүшелерінің функциялары туралы; 2) өз сырт бейнесінің жеке-дара ерекшеліктері туралы. 249. Ұғымдарды қалыптастыру: 1) адамдардың жасы бойынша айырмашылықтары туралы; 2) әртүрлі жастағы балалардың сырт бейнесінің, киімінің, мінез-құлқының сипаттамалық ерекшеліктері туралы. 250. Жеке гигиена. Ұғымдарды қалыптастыру: 1) гигиена ережелерін сақтау мен өз ағзасының жай-күйінің арасындағы өзара байланыс туралы; 2) пайдалы және зиянды әдеттер туралы. 251. Көшедегі мінез-құлық ережесі: 1) "көлік жүретін жол" ұғымын бекіту; 2) көшеден өту ережесімен таныстыру. 252. Қоғамдық-тұрмыстық мекемелер. Балаларды таныстыру: 1) адамның әлеуметтік-тұрмыстық іс-әрекетінің салаларымен; 2) дүкенде, емханадағы мінез-құлық ережелерімен; 3) мекеме қызметкерлеріне сұрақтармен, өтініштермен, рақмет айтумен қаратылған сөз түрлерімен. 253. Ересектердің еңбегі. Кәсіптер туралы еңбектің нәтижелерінің мазмұны мен мәні туралы білімді қалыптастыру. 254. Мінез-құлық және қарым-қатынас мәдениеті: 1) алуан түрлі әлеуметтік-тұрмыстық жағдайларда балаларды ересектермен және қатарластармен өзара әрекетке түсу білігін үйрету; 2) адам беті мен денесінің сызбасын қабылдау алгоритмін қалыптастыру; 3) адамдардың эмоционалды күйлері (қуаныш, мұң, бірқалыпты күй, қорқыныш) және оларды бет қимылы, ым-ишара, позалар арқылы көрсету тәсілдері туралы ұғымдарды бекіту; 4) адамның эмоционалды күйімен және осы күйді туындататын себептің арасындағы байланысты орнату білігін үйрету. 255. Қабылдауға және қайта жаңғыртуға үйрету: 1) мимика: таңғалу; 2) ым-ишара (ал, басқа жоқ, білмеймін, бермеймін, бұл менікі, төмен, жоғары, ұзын, қысқа); 3) пантомимикалық қимылдар (ішім ауырады, ұйқым келді, сыпырып жатырмын, шаң сүртемін). 256. Күтілетін нәтижелер: 1) түрлері жақын заттарды ажыратады және атайды; 2) пішіні, түсі, материалы, қызметі бойынша заттарды топтастыра біледі; 3) адамдардың жасы бойынша айырмашылығын түсінеді; 4) пайдалы және зиянды әдеттер туралы ұғымдары бар; 5) сатушының, дәрігердің еңбегінің мазмұны мен бағыттылығы туралы ұғымдары бар; 6) қоршаған адамдармен мәдени өзара әрекеттесу формаларын біледі; 7) адамның беті мен денесінің сызбасында бағдарлай алады; 8) адамның эмоционалды күйлерін мимика, ым-ишара, позалар арқылы көрсету тәсілдерін біледі және қайта жаңғыртады; 9) адамның эмоционалды күйлері мен осы күйді туындататын себептің арасындағы өзара байланысты түсінеді. жүктеу/скачать 0,52 Mb. Достарыңызбен бөлісу:
|