БЕЙСЕНОВАШәрбану Қонақбайқызы (14.10.1947 ж.т., Шығ. Қазақстан обл. Ұлан ауд.) -
жазушы. ҚазҰУ-ды бітірген (1969). 1968-80 ж. "Парасат" (бұрынғы "Мәдениет және тұрмыс")
журналында әдеби қызметкер, бөлім меңгерушісі, 1980 -97 ж. "Қазақстан әйелдері" журналында
бөлім меңгерушісі болып қызмет істеген. Қазір ҚР Мәдениет, ақпарат және спорт мин. Ақпарат
және мұрағат к-тінің бас маманы. "Қазақ әдебиеті" газетінің "Кітап әлемі" қосымшасының
редакторы. Алғашқы әңгімелері "Дидар" (бұрынғы Коммунизм туы") газетінде, "Қазақстан
әйелдері" журналында жарияланған. "Тойға келген келіншек" (1980), "Топжарған қыздар" (1985),
"Сезімтал жүрек" (1988), "Тағылымды тағдырлар" (2002), т.б. кітаптары жарық көрген. Украин
жазушысы Дроздың "Ең ұзақ күн" (1978) әңгімесін, Е.Ермаковтың " Мен он алтыдамын" повесін
(1980). Х.К. Андерсеннің ертегілерін (1984) қазақ тіліне аударған. Қазақстан Республикасы Жоғ.
Кеңесінің Құрмет грамотасымен марапатталған (1985). Халықар. "Алаш" әдеби сыйл. берілді
(2000).
