милық кахексия .
Иценко-Кушинг ауруы гипоталамус дұрыс жұмыс істемегенде немесе
гипофиздің алдыңғы бөлімінде адренокортикотропты (әдетте, базофилді)
аденома, кейде аденокарцинома өскенде дамиды. АКТГ көп бөлінгендіктен,
бүйрекүсті
бездерінің
қыртыстық
қабаты
гиперплазиялы
болып,
глюкокортикостероидтар тым көп түзіледі. Аурудың патогенезі осы
глюкокортикостероидтардың әсеріне негізделген. Әйелдер жиірек ауырады.
Семіздіктің жоғарғы типі байқалады (бет пен тұлға басымырақ семіреді),
артериялық қысым көтеріледі, стероидтық қантты диабет дамып, аналық
бездердің қызметі салдарлық негізде бұзылады. Сонымен қатар, остеопороз
орын алып, сүйектер сынғыш келеді, денені түк басып (гипертрихоз), еркек
кескінділік байқалады (гирсутизм), сан мен іш аймақтарының терісінде көкшіл
қызылдау жолақтар (стриялар) пайда болады. Бұл аурумен сырқаттарда
нефролитиаз бен созылмалы пиелонефрит жиі дамиды.
Адипоза-гениталдық дистрофия (латынша:
аdiposis — майлы,
gеnitalis —
жыныстық), яғни Бабинский-Фрелих ауруы — гипофиз бен гипоталамусты ісік
немесе нейроинфекция зақымдағанда дамиды. Сырқат адам тез семіріп,
жыныстық мүшелері толық жетілмей, олардың қызметі жеткіліксіз болады.
Адипоза-гениталдық дистрофияға кейде гипотиреоз, бүйрекүсті безі қызметінің
жеткіліксіздігі және қантсыз диабет тіркеседі.
Қантсыз диабет (
diabetes іnsіріdus ) гипофиздің артқы бөлімі зақымдалғанда
дамиды (ісік, қабыну, склероз, жарақаттану, т.с.с.). Гипофиздің артқы бөлімімен
қоса аралық ми да үнемі өзгереді. Антидиурездік гормонның әсері тоқтап,
бүйрек зәрді қанықтыра алмайтындықтан,
қантсыз шыжың орын алады. Оның
салдарынан тәуліктік зәрдің мөлшері артып (полиурия), науқас үнемі шөлдеп,
суды тым көп ішеді (полидипсия). Қантсыз диабеттің зардабынан организмде су
азайып, минералдардың алмасуы бұзылады.
