Нуржігіт Алтынбеков
532
сыңарлары, әсіресе маңдай бөлімдері толық жетілмейді, ондағы нейрондар баяу
дамып, дұрыс миелинденбейді, қан тамырлары да дұрыс қалыптаспайды.
Патау синдромы
шала және өлі туған нәрестелердің әр 5149-ының бірінде
орын алады. Көбіне жалпы гипоплазия байқалып, бассүйегі мен бетсүйегі
дұрыс қалыптаспайды: сәби шот маңдайлы, қыли әрі кішкене көзді, жалпақ
танаулы, ойыс мұрынды, гипотелоризмді, бас терісі ақаулы, құлағының
сиықсыз қалқаны төменірек орналасып, төменгі ерні мен таңдайы жырық
келеді. Науқастың қолы көпсаусақты болып (полидактилия), ішке бүгіліп
тұрады, кішірек көздерінің қасаң қабықшасында ақ (колобома) пен бұлыңғыр
ошақтар болады. Микроцефалия байқалып, мидың иісті сезетін бөлімі
болмайды (аринэнцефалия), мишықтың құрт тәрізді бөлімі шала қалыптасады
(гипоплазия) немесе мүлде қалыптаспайды, т.б. да кемістіктер ұшырасады.
Сондай-ақ, жүректе, асқорыту және зәршығару жүйелерінде, т.б. мүшелерде
тума кемістіктер болады. Ондай балалар өмір сүрмейді.
БЛАСТОПАТИЯЛАР
Бластопатия
— бластоцистаның патологиясы. Бұл патология жұмыртқа
жасуша ұрықтанған сәттен бастап, бекіп (нидация), бөлшектеніп, эмбрио- және
трофобласт қалыптасқанға дейінгі, алғашқы 15 күнде дамиды.
Достарыңызбен бөлісу: 
