| Әдебиеттер
1.Халық ойындары
2. Ж.Мизамхан. Халық ойындары. Өлгей – 1982ж.
3. Тілдерді оқыту үрдісінде инновациялық технологияларды қолдану.Алматы 2010ж.
4. А.Қайырбекова. Қазақ тілі. Оқыту әдістемесі – 2005ж.
ТАРИХ САБАҚТАРЫНДА ОҚУТЫДЫҢ ЖАҢА ТЕХНОЛОГИЯЛАРЫН ҚОЛДАНУ МАЗМҰНЫ
Темирова Б.Б., Жумагалиева Ж.С.(Ақтөбе)
Қазіргі таңда оқытудың жаңа мазмұнына көшу, оқу табыстылығын арттыру негізінде ғалымдар түрлі технологияларды ойлап табуда. Ал технологияларды білім беру жүйесіне енгізу нәтижелі оқытудың бірден бір себебі болып отырғандығы баршаға мәлім. Демек, қай пәнді оқыту барысында қандай да бір технологияларды алсақ та оның нәтижеге бағдарланғандығы басты назарға алынады. Осы орайда тарих пәнін оқытудағы қолданылатын технологиялар негізінде оқушылардың оқу табыстылығын арттыру, қазақ тарихына жалпы алғанда тарих пәніне қызығушылықтарын арттырудың мүмкіндігі зор.
Тарих пәнінің мазмұны мен мақсат-міндеттері келесідей түйінді біліктерді қалыптастыруға бағытталады:
Саяси және әлеуметтік- оқушылардың азаматтық жауапкершілігі, шешім қабылдай білуі, қоғам дамуының проблемаларына сыни көзқарасының болуы, еңбек нарығында белсенді түрде бейімделу қабілеті.
Толеранттылық- басқа ұлттардың салт-дәстүрін құрметтеу және түсіністікпен қарау, тіл табысушылық.
Когнитивтілік- өз білімін үнемі жетілдіруге дағдылану, шешімін іздеу, түсінігін білдіру, нақты өмірдегі оқиғалардың себеп- салдарын өздігінен тану.
Дүниетанымдылық- әлем туралы біртұтас көзқарасты қалыптастыру, қоғамдағы әлеуметтік орнын дұрыс таба білу, отаншылдық, қазақ халқының тарихы мен салт-дәстүрін, адамның құқықтары мен бостандықтарын, қоғамдық өмірдің демократиялық қағидаларын құрметтеу.
Технология-«шеберлік туралы ғылым» деген ұғымды білдіретін грек сөзі. Педагогикалық технология оқү үрдісімен мұғалім мен оқушының іс-әрекетімен тығыз байланысты. Оның құрамына мыналар кіреді:
А) тұжырымдық негізі;
Ә) оқыту мазмұндық бөлімі;
-оқытудың нақты және жалпы мақсаты ;
-оқу материалдарының мазмұны;
Б)үрдістік бөлім-технологиялық үрдісі;
-оқу үрдісін ұйымдастыру ;
-оқушылардың оқу қызметінің әдістері мен формалары ;
-мұғалімнің материалдарды меңгеруді басқарудағы іс-әрекеті;
Осыған орай әр түрлі ғалымдар өз көзқарастары тұрғысынан педагогикалық технологияларды түсіндіріп олардың анықтамаларын беріп отырды (төменде 1 кесте түрінде бейнеленген)
Достарыңызбен бөлісу: |
