|
Ұрықтық кезеңнің 20-24 аптасында нейрондар саны максимальды шамаға жетіп , қарттық кезге дейін тұрақты болып қалады.Туылғаннан соң тек нейрондар денесінің көлемі мен дендриттер саны ұлғаяды. Балалардың нейрондарының қозғыштығы мен лабильдігі төмен болғандықтан , олардың тез ұйықтауы байқалады. Ми қыртысы жасушаларының қарқынды өсуі туылғаннан кейін екі айға дейін байқалады. Екі жастан соң қарқынды өсу тоқтайды.
|
Жүйке талшықтарының миелинациясы гетерохронды жүреді. Ол антенатальды кезеңде бет нервінің тармақтарынан 21-24 аптада басталады, 1,5-2 жылға қарай миелинизацияланған бассүйек - ми нервтерінің негізгі бөлігі, 2 жылға қарай - есту, 3-4 жылға қарай-көру және тіл-жұтқыншақ, мида 2 жылға қарай өткізгіш құрылымдардың негізгі бөлігі миелинизацияланған болады .
|
Сопақша ми туған бойда өте жетілген болып келеді:онда жұту , тыныс алу , түшкіру сияқты қорғаныс рефлекстері болады.5-6 жасқа қарай сопақша ми нейрондарының миелинезациясы аяқталады.
Мишық жаңа туылған балаларда аса дамымаған , алғашқы бір жылда қарқынды өсіп , жеті жасқа қарай толық жетіледі.
Аралық мидан таламустың кейбір ядролары жетіледі: бала туылған сәтте дәмді айыра алады және температуралық , ауырлық тітіркендіргіштерді сезеді. Ал гипоталамус дұрыс жетілмеген , терморегуляция , зат алмасу , мотивация толық емес. Ми жарты шарларының белсенді қалыптасуы эмбриогенездің 12-ші аптасынан басталады және босанғаннан кейінгі дамудың алғашқы жылдарында, әсіресе 2 жасқа дейін қарқынды жалғасады.
|
Ұрықтың 7-8 айында ми қыртысының үлкендігі ересек адамның ми қыртысының 10-11% құрайды.Ал туғаннан кейінгі 2-4 айда 50% құраса , 2 жаста ересек адамның ми қыртысына жақын болады . жалпы балалардың ми қыртысы денесінің пропорциясымен салыстырғанда біршама үлкен.
|
