Орақова амангүл шахарбекқызы оқу процесінде оқушылардың шығармашылығын дамытудың педагогикалық шарттары

Дамыта оқыту – мазмұны, әдістері мен формалары баланы жан-жақты дамытуға бағытталған оқытуды ұйымдастыру тәсілі.

Дамыта оқыту тұжырымдамасының мәні – оқушыны дамыту мұғалім үшін де, оқушының өзі үшін де басты мәселеге айналатындай жағдай туғызу.

Дамыта оқыту технологиясы іс-әрекет теориясына, психикалық даму мен іс-әрекет бірлігінің психологиялық-педагогикалық тұжырымдамасына негізделген. Дамыта оқыту жүйесінің міндетті шарты: таным қызметі барысында ең белсенді субъект оқушының өзі болуы тиіс. Дамыта оқыту негізінде оқушылардың саналы түрде мақсатқа бағытталған қызметі тұруы шарт.

Дамыта оқыту идеясын жүзеге асырудың алғашқы талаптарының бірін жасаған Л.В.Занков болды.

Л.В.Занковтың дамыта оқыту жүйесі жеке тұлғаны жалпы, жан-жақты дамытуға бағытталған.

Д.Б.Эльконин-В.В.Давыдов технологиясында оқытудың дамытушылық сипаты оқыту мазмұнының теориялық білімдер негізінде құрылуында. Теориялық білім негізіне мазмұнды қорыту алынған. Мазмұнды қорыту дегеніміз – тақырыпты жасырын байланыстары, ішкі дамуындағы қарама-қайшылықтары арқылы түсіну. В.В.Давыдовтың пікірінше, оқушылардың тек ақыл-ойындағы ғана емес, сондай-ақ гуманды, жеке тұлғалық дамуындағы өзгерістерді де ескерудің маңызы зор.

Д.Б.Эльконин-В.В.Давыдовтың дамыта оқыту технологиясында оқу қызметін жүзеге асырудың төмендегідей негізгі шарттары бар:

1 балалардың оқуға деген құлшынысынан көрінетін қалыптасқан оқу қызметінің қажеттілігі;

2 оқушыларда оқу қажеттілігін қалыптастыру мақсатында оқу қызметін жүргізу әркез пікірталас негізінде өтеді;

3 оқушының ғылыми білім ізденуі мен қалыптастыруы барысында қате болмайды; ізденіп, зерделеп жүрген адамда сынап көру талабы болуы мүмкін, ал ойлау, нәтижеге жетудің түрлі нұсқаларын зерделеу барысында оларға тек қиындықтар кездесуі мүмкін.