Ораза зекет Садақа

ІІІ БӨЛІМ
Садақа

62
Садақа
Садақа деГеН Не?
Садақа Ислам дінінде бір нәрсені қайтарымсыз 
түрде қиып беру деген мағынаға келеді. Ислам 
әдебиетінде зекет пен садақаны жалпылама түрде 
инфақ деп атайды. 
Құран Кәрімде 200 жерде айтылған инфақ, 
мал мен жанның Аллаһ Тағалаға бағышталу 
мағынасына келеді. Олай болса, мұсылман мал-
мүлкін әрі жанын Аллаһқа арнаған кісі болып та-
былады.
Садақа мен инфақ қолда барды беруден бас-
талады. Демек, жарты құрма беру де инфақ болып 
табылады. Бұл пендені тозақ отынан қорғайды. 
Сондықтан Пайғамбарымыз (с.а.у.) әрбір мүминді 
бай деп есептеген. Өйткені, хадис шәріпте мүмин 
құлдың айтқан тәкбір (Аллаһты ұлықтау), тау-
хид (Аллаһты бірлеу) зікірлері, жақсылықты 
үгіттеп, жамандыққа бөгет болуы, зұлымдық көр-
генге жәрдем беруі, мүминді жұбатып, қайғырған 
көңілдерді қуантуы, жолдағы зиян беруші нәрсе-
лерді алып тастауы, ауырып жатқандардың 
көңілін сұрап баруы және т.б. істердің бәрінің 
садақа екендігі баяндалған. Көңілі бай адамдардың 

63
Садақа
күлімдеуі де садақа. Өйткені көңілі бай кісі, 
жымиған күлкісімен айналасындағыларды да шат-
тандырады. Керісінше сараң көңілді болғандар 
ешкімге жақсы ықпалын тигізбейді.
Пайғамбарымыздың (с.а.у.) білдіргені бойын-
ша шөлдегендіктен тілі тамағына жабысып қалған 
бір итке су берген күнәһар әйел тек қана осы 
мейірімділігі себебімен мыңдаған күнәсі кешірілген 
әрі жаннатқа жеткен. Керісінше, үйдегі мысығына 
мейірімділік көрсетпей, оны аш қалдырған әйел 
тозаққа түскен. Осы мысалдар мұсылманның көңіл 
әлемін дұрыс бағытқа салуын қамтамасыз ететін 
ғибратты оқиғалар.
Мүмин қараңғы түннің толған айы тәрізді 
нұрлы, ақ көңіл, нәзік, қамқоршыл, мейірімді 
және жомарт болу керек. Аллаһ Тағала айта-
ды: маған жақын боламын десеңдер жақсы көріп 
ұнатқандарыңнан беріңдер. Сондықтан, Хақ Тағала 
алдында қабылданатын малдың жақсысынан, 
күштісінен, сапалысынан беру керек.

жүктеу/скачать 1,16 Mb.

Достарыңызбен бөлісу: