Қазақ тілі пәні бойынша 11-сыныпқа арналған І тоқсандық диктант
Мақсаты: Мәтінді орфографиялық, пунктуациялық нормаларға дұрыс жаза алуын бағалау.
Зырян
Зырян – Шығыс Қазақстан облысындағы қала. Ол 1941 жылы кенді Алтайдың орта бөлігіндегі табиғаты көркем жерде құрылған. Қала іргесінің қалануы 1791 жылы жұмысшы Г.Г.Зыряновтың осы өңірден полиметалл кенін ашу тарихымен тығыз байланысты. Ұлы Отан соғысы жылдары Зырян майдан үшін өте қажет болған қорғасын, мысты көптеп жіберді. Қазіргі Зырян – республикамыздағы түсті металлургия орталықтарының бірі. Зырян полиметалл кені, Зырян қорғасын комбинаты осында. Зырян ауданы Шығыс Қазақстан облысының солтүстігінде, 1977 жылы құрылған.
Аудан жері кенді Алтай мен Оңтүстік Алтайдың аралығындағы тауаралық аңғарлар мен аласа тауларды қамтиды. Оңтүстік, оңтүстік-батысында Бұқтырма бөгенімен шектелген. Жер қойнауынан қорғасын, мыс, мырыш, алтын, күміс, т.б. табылды. Климаты тым континентік, қысы ұзақ, аязды, жазы жылы.
(105 сөз)
(Матаева Ж.А. Диктанттар жинағы (Оқу орыс тілінде жүргізілетін мектептердің 5-11 сыныптарына арналған қазақ тілінен жергілікті жер материалдары) - Өскемен қ.: ШҚО БАИ баспасы, 2008, 15 бет.)
Қазақ тілі пәні бойынша 11-сыныпқа арналған І тоқсандықбақылау
Мақсаты: Өткен тақырыптар бойынша оқушылардың білім-білік дағдыларын тексеру.
Лексикалық тапсырмалар:
1. Сапарға шығу, жол туралы мақал-мәтел, тыйым сөздерді жазыңыздар.
2. Ұшақ ішіндегі қауіпсіз ережелерін жазыңыздар.
3. Сарыарқа жеріне қандай облыстар кіреді?
4. «Менің туған өлкем» тақырыбына диалог құрастырыңыздар.
5. Берілген тақырып бойынша монолог құрастырыңыздар.
«Саяхатқа шығайық»
Грамматикалық тапсырмалар:
1. Берілген күрделі сөздермен сөйлем құрастырыңыздар.
Әуежай, екі-екіден, ТМД, Сарыарқа, теміржол бекеті.
2. Мына сөздерді етістердің түрлеріне қарай ажыратыңыздар.
Жуын, жинас, ашылды, қалдыр, сөйлет.
3. Қасақана, бүгін, жылдам сөздерімен сөйлемдер құрастырып, сөйлем мүшелеріне талдау жасаңыздар.
4. «Өлке» сөзін тәуелдеп барып септеңіздер.
5. Берілген етістіктерді жіктеңіздер. Етіс түрін анықтаңыздар.
Жиналу, киіндіру.
Достарыңызбен бөлісу: |
