Оқулық Алматы, 2014 Қазақстан Республикасы Білім және ғылым министрлігінің «Оқулық»
жүктеу/скачать 28,1 Mb. Pdf көрінісі
|
kartabai munai gas ken
| 10.7 Маятник тәрізді платформалар
Соңғы жылдары шетелдік тәжірибеде маятник тәрізді платформалар қолда- ныс тапты. Жұмыс істеу сипатына қарай олар стационарлы платформалардың қарапайым түрінен өзгеше, яғни платформаның тірек бөлігі үстіңгі құрылыспен бірге тік күйінен толқын, жел және ағындар әсерінен ауытқуы мүмкін. Бұндай платформалар кен орнындарды игеру кезіндегі әр түрлі сұлбаларда қолданылуы мүмкін, әсіресе оларды танкерлерді жүктеуге арналған құрылыс ретінде және серіктес газды жандыру үшін факелды жабдықты орналастыру кезінде қолданады, бірақ оларды қолдану аймағы айтарлықтай кең. Маятник тәріздес платформаның конструктивті сұлбасы 10.19-суретте көрсетілген. 10.19-сурет. Маятник тәрізді платформаның сұлбасы Тірек базасы (I) қондырғыдағы құрылысты орнында ұстап тұратын элемент болып табылады. Ол гравитационды түрде де бола алады, және бұл жағдайда ол темірбетоннан жасалады немесе түпке свайлы негіз арқылы бекітіледі. Тіректің 259 астыңғы жағында (2) тіректі базасында жүктемені реттейтін және платформаның горизонтальды күйде ыңғайлы буксирлеуге көмектесетін балласты ыдыс (6) қарастырылған. Тіректің жоғарғы бөлігінде, әдетте Тынық мұхиттың деңгейінен төмен, жүзбелі камера (3) орналасқан. Ол платформаны буксирлеген кезде пон- тон ретінде қолданылады, бірақ оның негізгі қызметі толқын, жел және ағындар әсерінен платформаның вертикалды күйінен ауытқу кезінде қалпына келтіру моментін қалыптастыру болып табылады. Карданды шарнир (5) платформаның ауытқу бұрышы 25° кезінде кез келген бағытта тербелудің мүмкіндігін беретін негізгі элемент болып саналады. Кар- данды шарнирде айналым екі өзара перпендикуляр біліктер арқылы іске асады. Олардың біреуі тірек базасымен, ал екіншісі платформаның тіректі бөлікпен байланысқан. Шарнирдің конструкциясы платформаның тірек базасынан бөліну мүмкіндігін береді. Түптегі жылжымайтын құбырлар мен тербелмелі платформа тірегіндегі орналасқан құбырлардың нық байланысын қамтамасыз ету инженерлердің күрделі мәселесі болып табылады. Бұл мәселені шешудің бірнеше нұсқасы бар. Соңғы жылдары Солтүстік теңіздегі орналастырылатын платформалар үшін шарнирлердің жаңа түрлері ойлап шығарылуда (сфералық және торсионды). Сипаттамасы платформаның арналуына байланысты технологиялық жабдыққа ие жоғарғы құрылым (4) негізгі тірек бөлігіне тіреледі. Тірек не біртұтас ме- талл немесе темірбетонды қабыршақтан, не тесік конструкциялы металл құбырлардан жасалады. Кейбір жағдайларда тіректің астыңғы жағын, жүзбелі камераға дейін, тесік болып істейді, одан жоғарырақ – біртұтас қабыршақтан. Шешімдердің әр қайсысында өзінің артықшылықтары мен кемшіліктері бар. Цилиндрлі қабыршақты қолдану конструкцияны қарапайымдайды, қалқуды реттеу кезінде қосымша мүмкіншіліктерді береді, тесік тәрізді конструкция- сы толқын, ағындар жүктемелерін айтарлықтай азайтады; тіректің вертикал- ды түтікшелі элементтері жоғары бөлікке мұнай немесе газды тасымалдайтын құбырлар ретінде қолданылуы мүмкін. Маятникті платформалар оң және теріс қалқулы болуы мүмкін. жүктеу/скачать 28,1 Mb. Достарыңызбен бөлісу:
|