Оқулық «Федералдық білім беруді дамыту институты»
жүктеу/скачать 7,34 Mb. Pdf көрінісі
|
| Математикалық модельдеу. Электрондық кестелерде
математикалық формулаларды қолдану кейбір нақты жүйенің түрлі параметрлері арасында өзара байланысты елестетуге мүмкіндік береді. Олардың негізгі қасиеті – формулаларға енетін операндтар мәні өзгерген кезде оларды кенет қайта есептеу. Осы қасиеттің арқасында кесте өзін сандық экспериментті ұйымдастыру үшін қолайлы инструмент ретінде көрсетеді: ■ Параметрлерді іріктеу; ■ модельдеу жүйесін жүргізу болжамы; ■ байланысты талдау; ■ жоспарлау. Модельдеу үшін қосымша қолайлылық мәліметтерді графика түрінде ұсынуға мүмкіндік береді (диаграммалар). 3. Электрондық кестені деректер базасы ретінде қолдану. Әрине, деректер базасын басқару жүйесімен (ДББЖ) салыстырғанда электрондық кестелер осы салада мүмкіндіктері аз. Алайда, релациялық ДББЖ тән деректермен айла-шарғы жасаудың кейбір операциялары онда іске асырылған. Бұл берілген шарттар бойынша ақпаратты іздеу және ақпартты сұрыптау. Электрондық байланыс пен компьютерлік желілердің пайда болуымен коммуникациялық бағдарламалар аса елеулі мәнге ие болды. Олар қашықтағы компьютерлермен қосылуға мүмкіндік береді, электрондық поштаның хабарламаларының жіберілуіне, телеконференциялармен жұмысқа (жаңалықтар тобымен) қызмет көрсетеді, факсимильді хабарламаларының таратылуын қамтамасыз етеді және компьютерлік желілерде көптеген өзге де операцияларды орындайды. Деректер базасы – бұл өзара байланысқан үлкен көлемдегі ақпаратты сақтау, өзгерту және өңдеу үшін арналған бір немесе бірнеше деректер файлдары. Кәсіпорынның деректер базасында, мысалы, сақталуы мүмкін: ■ кәсіпорынның штат кестесі, жұмыскерлері мен қызметшілері туралы бар ақпарат; ■ материалдық құндылықтар туралы мәліметтер; ■ шикізаттың және құрамдас бөлшектер туралы деректер; ■ қоймадағы қорлар туралы мәліметтер; 12 ■ дайын өнімнің шығарылымы туралы деректер; ■ дирекцияның бұйрықтары мен өкімдері және т.б. Кез келген ақпараттың біршама өзгеруі басқа жерлерде елеулі өзгерістерге әкелуі мүмкін. Деректер базасы ДББЖ басқаруымен қолданылады. Деректер базасын басқару жүйесі— бұл деректер базасына түпкілікті пайдаланушылардың қолданбалы бағдарламаларынан түсетін өтініштерді өңдеуге мүмкіндік беретін бағдарламалық жасақтама жүйесі. Деректер базасын басқару жүйесі едәуір көлемдегі ақпаратты біріктіруге және оларды өңдеуге, сұрыптауға, белгіленген критерийлер бойынша іріктеуге мүмкіндік береді. Заманауи ДББЖ оларға мәтіндік және графикалық ақпаратты ғана емес, сонымен қатар дыбыстық фрагменттер мен бейнеклиптерді енгізуге мүміндік береді. ДББЖ пайдалану қарапайымдылығы бағдарламалауға жүгінбей, тек орнатылған функцияларды қолдана отырып, жаңа деректер базасын құруға мүмкіндік береді. Деректер базасын басқару жүйесі деректердің дұрыстығын, толықтылығын және қайшылықсыздылығын, сондай-ақ оларға оңай қолжетімділікті қамтамасыз етеді. Анағұрлым қиын қолданыстар үшін ДББЖ орнына келесі функцияларды орындайтын ақпараттық-іздеу жүйесі қолданылады: ■ үлкен көлемдегі ақпаратты сақтау; ■ талап етілетін ақпаратты тез іздеу; ■ сақталған ақпаратқа қосу, оны жою және өзгерту; ■ оны адамға ыңғайлы түрде шығару. Танымал ДББЖ – FoxPro, MS Access, Paradox. Қолданбалы бағдарламалардың көмегімен пайдаланушы бағдарламалауға жүгінбей, өзінің ақпараттық міндеттерін тікелей шешеді. жүктеу/скачать 7,34 Mb. Достарыңызбен бөлісу:
|