кесте. Басқару түрлерінің мінездемесі (Старобинскийдің ұсынысы бойынша)

көтере алмайды. Авторитарлық басшы тек өзінің шешімін дұрыс деп есептейді және қол астындағы қызметкерлерді бағындырып алуға күш салады. Ол барлық жұмыстарда билік жүргізуге ұмтылады және сол үшін қолындағы бар билікті қолданады. Демократияшыл бастық қызметкерлердің еңбек ету жағдайы қанағаттандырарлық болғанда ұжымдық жауапкершілікті олардың өздеріне алуына үміт артады. Ол көпшіліктің көңілінен шығатын шешім қабылдауға ұмтылады.

Либералдық типтегі басшы өзінің қол астындағы қызметкерлерге өз жұмыс нәтижелерін қадағалауға толық құқық береді және ұжымдағы жұмысты басқаруды барынша босаңсытады.

Либералдық басшы ұжымның жұмысын өзіне бағынышты тұлғалардың қолына тапсырады. Сондықтан басшы өзінің қарамағындағылардың тәуелділігіне түседі. Басшылықтың осы үш түрі де бір-бірінен алшақ орналаспаған және тәжірибеде олардың барлығы да кездесуі мүмкін.

Осы басшылық түрлерінің аясында басшылар мен қызметкерлер арасында мынандай арақатынас орнауы мүмкін:

• 
  Басшы шешім қабылдайды және ол туралы қызметкерлерге түсіндіреді;
  
• 
  Басшы шешім қабылдайды және оны орындау туралы команда береді;
  
• 
  Басшы өз қызметкерлерімен кеңесе отырып шешім қабылдайды;
  
• 
  Басшы шешімнің жобасын жасайды және қызметкерлерімен талқылағаннан кейін оған өзгертулер енгізеді;
  
• 
  Басшы мәселені қызметкерлеріне жеткізеді, олардың кеңесін және ұсыныстарын алады. Оның негізінде шешім қабылдайды;
  
• 
  Басшы қызметкерлерімен бірге шешім қабылдайды;
  
• 
  Басшы тағайындаған ауқымда қызметкерлер өз бетінше шешім қабылдайды.
  

Әрбір менеджер басқарудың түрлерін жұмыста қалыптасқан жағдайға байланысты таңдайды. Оның таңдауы басшы тұлғаның психологиялық ерекшелігіне тікелей тәуелді.