Сонда олар нәпсілеріне еріп, ақиқатты көрмей, соқырға
айналды. Сөйтіп, үйге күштеп кірмекші болды. Алайда
қонақтарын еш нәрсе болмағандай жайбарақат күйде көріп,
таңғалған Лут елшілерге:
«Сөзсіз, сендер бөгде кісілерсіңдер», – деді. (Елшілер)
: «Жоқ, біз олардың күмәнданған (азабын)
алып келдік. Біз саған нақ шындықты келтірдік. Біз рас айтамыз», – деді» 1 .
Басқа бір аятта:
«Олар: «Қорықпа, қайғырма. Расында, біз (азапта)
қалушылардан болатын әйеліңнен басқа, өзіңді және отбасыңды құтқарамыз. Бұл ауыл халқына бұзықтықтарының салдарынан көктен пәле жаудырамыз», – деді» 2 , – деп келген.
Сонда барып олар өздерінің Аллаһ тағаланың елшілері екенін
айтты. Жәбірейіл (аләйһис-сәләм) шығып бір соққы берген сәтте
олардың барлығының көздері соқыр болып қалды.
Аллаһ тағала:
«Олар (Луттың)
қонақтарынан дәме қылды. Сонда олардың көздерін соқыр еттік. Ал енді азабым мен ескертуімді татыңдар» 3 , – деп айтқан.
Олар мұны сиқыр деп ойлап, сендерге ертең көрсетерміз деп
кіжінді. Сөйтіп, дуал сипалап үйлеріне қайтты.
Періштелер Лутқа:
«Олардың уәдесі таңертең, ал таң жақын емес пе?» – деді» 4 және оған отбасын алып Садумнан тез
шығып кетуді бұйырды.
«Дереу түннің бір бөлігінде үй-ішіңмен аттан. Өзің олардың артында жүр. Сендерден ешкім артына қарамасын. 1
«Хижр» сүресі, 62-64 аяттар.
2
«Анкабут» сүресі, 33-34 аяттар.
3
«Қамар» сүресі, 37-аят.
4
«Һуд» сүресі, 81-аят.
