ӘОЖ 80(8)(069)
КБЖ 81.2
К 69
Жобаның жауапты редакторы және ғылыми жетекшісі филология ғылымдарының докторы, профессор
Г. Қосымова «Көне түркілер дүниетанымындағы концептілер жүйесі» тақырыбындағы жоба
аясында ұйымдастырылып отырған «САНАДАҒЫ ЖАҢҒЫРУ: «ӘЛЕМ» БЕЙНЕСІНІҢ
РУХАНИ МҰРАЛАРДА БЕРІЛУ СИПАТЫ» атты халықаралық конференция жинағы.
– Алматы: Smart University Press, 2022. – 138 б.
ISBN 978-601-269-136-8 Бұл жинаққа Қазақстан Республикасы Білім және ғылым министрлігі Ғылым комитеті тарапынан
2021-2023 жылдарға арналған ғылыми және (немесе) ғылыми-техникалық жобалар бойынша гранттық
қаржыландырылатын «Көне түркілер дүниетанымындағы концептілер жүйесі» тақырыбындағы
ғылыми жоба аясында ұйымдастырылып отырған «Санадағы жаңғыру: «Әлем» бейнесінің рухани
мұраларда берілу сипаты» атты халықаралық конференция материалдары топтастырылды. Халықара-
лық конференция жинағына: Жаңа Қазақстан құрудағы тарихи және ұлттық сананы жаңғырту мәселесі;
Рухани құндылықтар жүйесінің «Әлем» концептісінде көрініс табуы; «Әлем» концептісінде қамтылған
Адам+Табиғат+Қоғам бірлігі тұжырымдарын оқыту тәсілдері секцияларында талқыланған материалдар
жинақталды. Жинаққа енген мақалаларда «Әлем» концептісі аясында отандық және шетелдік ғалым-
дардың зерттеулері мен тұшымды ой-пікірлері көрініс тапты. Жарияланған материалдар филология,
лингвистика, түркітану мамандықтары бойынша білім алушылар мен зерттеушілерге арналған.
