Практикум алматы 2006 ббк 67. 99(2)4я7
жүктеу/скачать 1,08 Mb. Pdf көрінісі
|
отбасы кукыгы китап
- Бұл бет үшін навигация:
- 1-БӨЛІМ. ЖАЛПЫ ЕРЕЖЕЛЕР 1-тарау НЕКЕ-ОТБАСЫ ЗАҢДАРЫ 1-бап. Осы Заңда пайдаланылатын негізгі ұғымдар
| Неке жəне отбасы туралы
Қазақстан Республикасының Заңы 1998 жылғы 17 желтоқсан N 321-I Қазақстан Республикасы Парламентiнiң Жаршысы, 1998 ж., N 23 Осы Заң Қазақстан Республикасындағы неке-отбасы қатынастарын, сондай-ақ оларды жүзеге асырудың кепілдіктерін белгілеп, реттейді, отбасының дамуын Қазақстан Республикасы мемлекеттік əлеуметтік саясатының басым бағыты деп анықтай отырып, оның құқықтары мен мүдделерін қорғауды қамтамасыз етеді. 1-БӨЛІМ. ЖАЛПЫ ЕРЕЖЕЛЕР 1-тарау НЕКЕ-ОТБАСЫ ЗАҢДАРЫ 1-бап. Осы Заңда пайдаланылатын негізгі ұғымдар Осы Заңда мынадай ұғымдар пайдаланылады: 1) неке - ерлі-зайыптылар арасындағы мүліктік жəне мүліктік емес жеке қатынастарды туғызатын, отбасын құру мақсатымен заңдарда белгіленген тəртіппен тараптардың ерікті жəне толық келісімі жағдайында жасалған еркек пен əйелдің арасындағы тең құқықты одақ; 2) жалған неке - отбасын құру ниетінсіз заңда белгіленген тəртіппен жасалған жəне ерлі-зайыптылардың құқықтары мен міндеттерін туғызбайтын неке; 3) отбасы - некеден, туыстықтан, бала асырап алудан немесе балаларды тəрбиеге алудың өзге де нысандарынан туындайтын мүліктік жəне мүліктік емес жеке құқықтар мен міндеттерге байланысты жəне отбасы қатынастарын нығайту мен дамытуға жəрдемдесуге тиісті адамдар тобы; 4) неке жасы - адамның некеге тұру құқығына жеткендегі жасы; 5) балалық шақ - кəмелетке толмаған адамдардың құқықтық жай-күйі; 6) мүліктің шарттық режимі - ерлі-зайыптылардың жəне олардың осы некеден туған балаларының неке шартымен белгіленген меншігінің режимі; 7) суррогат ана шарты - балалы болуды қалайтын адамдар мен бойға бала бітірудің жасанды əдісін немесе эмбрион имплантациясын қолдануға келісімін берген əйелдің арасындағы келісім; 8) патронат - уəкілетті мемлекеттік орган мен баланы тəрбиелеуге алуға тілек білдірген адамның (патронат тəрбиешінің) жасасқан шарты бойынша ата-анасының қамқорлығынсыз қалған балалар азаматтардың отбасына тəрбиелеуге берілетін тəрбие нысаны; 9) алименттер - алуға құқығы бар екінші адамға бір адам беруге міндетті болатын асырау қаражаты; 10) отбасылық жағдай - некеде тұрғандағы немесе айырылысқандағы жағдай, балалардың немесе отбасының басқа да мүшелерінің болуы немесе болмауы; 11) материалдық жағдай - жалақының, зейнетақының, басқа да табыстардың болуы немесе болмауы; олардың мөлшері; мүліктің болуы; еңбек қабілетін жоғалту дəрежесі; отбасының басқа мүшелерінен материалдық көмек алуы немесе алмауы; 12) азаматтық хал актілері - адамның құқықтары мен міндеттерінің пайда болуына жəне тоқтатылуына байланысты оны дараландыратын заңдық ресімделген мəн-жайлар; 13) жақын туыстары - ата-аналар, балалар, асырап алушылар, асырап алынғандар, ата-анасы бір жəне ата-анасы бөлек ағалы- інілер мен апалы-сіңлілер (аға-қарындастар), ата, əже, немерелер; 14) қорғаншы (қамқоршы) - қорғаншылық пен қамқоршылық жөніндегі міндеттерді жүзеге асыру үшін заңда белгіленген тəртіппен тағайындалған адам; 15) қорғаншылық (қамқоршылық) - кəмелетке толмағандардың жəне сот əрекетке қабілетсіз (əрекет қабілеттілігі шектеулі) деп таныған адамдардың құқықтары мен мүдделерін қорғаудың құқықтық нысаны; 16) репродукциялық денсаулық - адамның толымды ұрпақ туғызуға қабілетін көрсететін денсаулығы; 17) суррогат ана - суррогат ана мен ықтимал ата-ана арасындағы шарт бойынша бойға бала бітіру, оны көтеру жəне туу. жүктеу/скачать 1,08 Mb. Достарыңызбен бөлісу:
|