Қосымша «Сауат ашу» пәні бойынша №1 Мұғалімнің аты-жөні, еңбек өтілі, санаты, өңірі, мектеп атауы: Жаныбекова Жибек
Казиевна – бастауыш сынып мұғалімі, еңбек өтілі – жалпы – 43 жыл, педагогикалық – 25
жыл. Санаты – жоғары, педагог – сарапшы. Өңір – Қостанай облысы, Ұзынкөл ауданы.
Мектеп атауы: «№2 Ұзынкөл орта мектебі» КММ.
Білім алушының аты-жөні (кез келген лақап ат), сыныбы: Сағит , 1 сынып.
Білім алушының ерекше қажеттіліктерінің қысқаша сипаттамасы, «күшті» және «әлсіз» тұстары: Туылған күні: 2012 жылдың қыркүйек айының 24 жұлдызы. Сагит
көбінесе спортпен айналысқанды жақсы көреді, сондықтан да дене шынықтыру пәніне бейім.
Ал оқуға деген белсенділігі өте төмен. Сабақ барысында тыңдау қабілеті төмен және де
сабақтың ортасынан бастап өз еркі жұмыстарымен айналысады. Берілген ескертулерге мән
бермейді. Өз бетімен жұмыс істеу қабілеті төмен. Есі: бейнелік, қозғалыстық; өнімділік
сипаттамасы; есте сақтау ұзақтығы төмен деңгейде, тез ұмытып қалады. Іс – әрекет деңгейі:
өте мазасыз, балалармен жиі тіл табыса алмай қалады, сыйластық дегенді білмейді.
Эмоциялары: сөйлеуде де, қимылда да шыдамдылық танытпайды, сезімдері сыртқы
қылықтарынан көп көріне бермейді, мінезі тұрақсыз, өтірік айтуды жақсы көреді, жасаған іс
– әрекеттеріне есеп бермейді. Зейіні мен есте сақтау қабілеттерінің деңгейі төмен.
