Қалас жамалов әлемдік өркениет іздері: ежелгі шығЫС
жүктеу/скачать 36,74 Mb. Pdf көрінісі
|
алас жамалов лемдік ркениет іздері ежелгі шы ЫС
| ІІІ бағана:
1-9. Дарий патша айтады: Кейін мен парсы әскерлерін Рагиден Виштаспаға жібердім. Бұл әскерлер Виштаспаға келгеннен кейін Парфидің Патиграбон қаласында шайқас жүргізді. Ахура-Маз- да маған көмек көрсетті. Ахура-Мазданың рахымымен Виштаспа 241 көтерілісшілерді талқандады. Бұл – Гармапада айының 1-күні (12 шілде, б.д.д. 521 ж.) болған шайқас. 9-10. Дарий патша айтады: Бұдан кейін ел менің иелігімде болды. 10-19. Дарий патша айтады: Маргиан елі көтеріліске шықты. Маргиандық Фрад есімді адамды олар басшы етіп қойды. Бұдан кейін мен Дадаршиш атты парсыға, менің құлым сатрап Бактрияға хабар жіберіп: «Бар да, мені мойындамайтын әскерлерді талқанда», – дедім. Дадаршиш әскерлерімен барып, маргиандықтарға соққы берді. Ахура-Мазда маған көмек көрсетті. Ахура-Мазданың рахымымен менің әскерлерім көтерілісшілерді талқандады. Ассиядия айының 23-күні (10 желтоқсан, б.д.д. 522 ж.) шайқас болды. 19-21. Дарий патша айтады: Кейін ел менікі болды. Бактрияда мен не істедім? 21-28. Дарий патша айтады: Персияның Яутия өңірінің Тарав қаласында тұратын Вазъяздат атты бір адам Персияда екінші рет көтеріліс ұйымдастырып, халыққа: «Мен – Кирдің ұлы Бардиямын», – деді. Халық бұл сөзге иланып, ядыдан келген Вазъяздат жағына шығып кетті. Ол Персияда патша болды. 28-40. Дарий патша айтады: Кейін мен қол астымдағы парсы мен мидия әскерлерін жібердім. Артавардия есімді парсы құлыма әскер басқарттым. Әскерлердің бір бөлігі менімен бірге Мидияға кетті. Ар- тавардия әскерімен Персияға келген кезде өзін Бардия атаған Вазъяз- дат өз әскерімен Персияның Раха қаласында Артавардиямен шайқасу үшін келді. Біздің әскерлер жеңіске жетті. Ахура-Мазда маған көмек көрсетті. Ахура-Мазданың рахымымен менің әскерлерім Вазъяздат әскерлерін талқандады. Туравахар айының 5-күні (25 мамыр, б.д.д. 521 ж.) шайқас болды. 40-49. Дарий патша айтады: Кейін Вазъяздат аздаған атты әскерлерімен қашып Пайшияувадуға келді. Сол жерде қол жинап Артавардиямен қайтадан шайқасқа түсуге аттанды. Парга тауында ұрыс болды. Ахура-Мазда маған көмек көрсетті. Ахура-Мазданың рахымымен менің әскерлерім Вазъяздат әскерлерін талқандады. Бұл шайқас Гармападтың 5-айы (16 шілде, б.д.д. 521 ж.) болатын. Арта- вардия Вазъяздатты және оның берілген адамдарын қолға түсірді. 49-52. Дарий патша айтады: Кейін мен Вазъяздатты және оған берілген жақтастарын Парсының Увадайчая қаласында қазыққа отырғыздым. 242 52-53. Дарий патша айтады: Парсыда мен не істедім? 54-64. Дарий патша айтады: Өзін Бардиямын деп атаған Вазъ- яздат Арахосиодағы сатрап Виван атты парсыға қарсы әскер жіберіп: «Оларға барыңдар да, өзін Дарийдің әскерімін дейтіндерді жазалаңдар», – деді. Осыдан кейін Вазъяздат әскерлері Виванмен шайқасуға аттанды. Капишаканиш бекінісінде ұрыс қимылдары болды. Ахура-Мазда маған көмек көрсетті. Ахура-Мазданың ра- хымымен менің әскерлерім көтерілісшілерді талқандады. Анамака айының 13-күні (29 желтоқсан, б.д.д. 522 ж.) шайқас болды. 64-69. Дарий патша айтады: Көтерілісшілер қайтадан қол жинап, Виванға қарсы шайқасқа аттанды. Олар Гандутава елді мекенінде шайқасқа түсті. Ахура-Мазда маған көмек көрсетті. Ахура-Мазданың рахымымен менің әскерлерім көтерілісшілерді талқандады. Вияхна айының 7-күні (21 ақпан, б.д.д. 521 ж.) шайқас болды. 69-75. Дарий патша айтады: Виванға қарсы Вазъяздат жіберген әскер басы болған адам аздаған атты әскерімен қашып Арахостағы Аршад бекінісіне келді. Осыдан кейін Виван әскерімен оның ізіне түсіп, оның адамдарын қолға түсіріп, оларды өлтірді. 75-76. Дарий патша айтады: Бұдан кейін ел менің қол астымда болды. Арахосияда мен не істедім? 76-83. Дарий патша айтады: Мен Персияда және Мидияда болған кезімде вавилондықтар маған қарсы екінші рет көтеріліске шықты. Көтерілісті армиян Халдиттің ұлы Араха атты адам басқарды. Көтеріліс Вавилонда болды. «Мен Дубала өңіріненмін, мен – Набонидтің ұлы Навуходоносормын», – деп алдады. Вавилон халқы оған сеніп, мені тастап, соны қолдады. Ол Вавилонды жаулап алып, сонда патша болды. 83-92. Дарий патша айтады: Мен әскерлерімді Вавилонға жібердім. Парсы ұлтынан менің Виндафарн атты құлымды әскер басы етіп бекітіп, оған: «Барыңдар да, мені мойындамайтын Вави- лон әскерлерін талқандаңдар», – дедім. Виндафарн әскерлерімен Вавилонға келді. Ахура-Мазда маған көмек көрсетті. Ахура- Мазданың рахымымен менің әскерлерім Вавилон әскерлерін талқандады. Басшыларын маған байлап-матап әкелді. Варказан айының 22 күні (27 қараша, б.д.д. 521 ж.) өзін Навуходоносормын деп атаған Арахуды және оған жақтастарды қолға түсірді. Мен Арахуды Вавилонда қазыққа отырғызуды бұйырдым. |