Бүгін мектепке 7:30 –да келіп, сынып жетекшілікке тағайындалған, яғни 9ә оқушыларын күтіп алып, түгендедім. Содан кейін биология сабағы 9ә сыныпта болған соң Гүлбану апаймен барлық сабақтарына қатыстым. Апайдың сабақта қолданатын әдіс тәсілдерін сұрап, бақыладым. Гүлбану апайдан тапсырмалар алып орындадым.
Сәрсенбі 25.01.2023
Бүгінде мектепке ерте келіп, оқушыларымды түгендедім. Екі оқушы сабаққа келмегенін анықтап, ең бірінші сынып жетекшісі Жанна Самуратовнаға хабарлап, кейін оқушылармен байланысқа шығып, себебін анықтадым. Кейін Гулбану апайдың 10б сыныпқа сабағы болды. Сабағына қатысып, апайдың қасында қосылып сабақ бердім. Оқушылардың оқу деңгейлерін анықтадым.
Бейсенбі 26.01.2023
Мектепке сағат 7:45 –де келіп, оқушыларды түгендедім, бір бала сабаққа келмегенін анықтап, хабарластым. Тек автобус кешігуіне байланысты, кешігіп келетінін айтты. Ол оқушыны күтіп алып, сабағына кіргіздім. Сабаққа барлық оқушылар қатысып отырғанын Жанна Самуратовнаға хабарладым. Әрі қарай Гулбану апайдың тапсырмасын орындап, сабаққа қатыстым.
Жұма 27.01.2023
Бүгін мектепке 8:00 – де келіп, әдеттегідей оқушыларды түгендедім. Барлық оқушы сабақта қатысты. Үзіліс арасында барып, тексеріп отырдым. Биология сабағы 10а және 10б сыныптарында болды, сабаққа қатысып, бақыладым. Алғашқы апта сыныптарды бақылаумен өтті.
