П/п Наименование дисциплины

Бетпақ – шөл, ойлы-қырлы панасы бар.

Сол шөлде ел жоқ, күн жоқ өсіп-өнген,

Жәндіктің киік деген баласы бар.

Ел-жайлау, өзен яки көл болмайды.

Бұтасы қу баялыш, қара жусан,

Көгала бетегелі бел болмайды.

Сайланып қыс ішінде талай көштік.

Азамат, ат пен айғыр, атан ғана

Шыдар деп қоста отырып, талай дестік.

Жалғыз-ақ құлан, киік шөлге көнген.

Казақтың малдарындай қыбырласып,

Әр ойдан топ-топ болып жусап өрген...

Асығып қар суымен "несіп етер".

Қаптасып, көшкен елмен дамыл алмай,

Мергендер аң ауласып кәсіп етер.

Ауылды қан сасытып топырлатқан.

Киікті ойлай ма екен таусылар деп,

Азайып бірте-бірте келе жатқан!..

Сол шөпті қорек қылған байғұс киік.

Таңы аппақ, екі көзі мөлдір қара,

Тигендей емес адам көзі қиып.

Бетпақты бұл бейшара қылған мекен.

Бөкенді атып мерген өлтіргенде,

Жазасыз жан өлді деп ойлай ма екен?

Өзге аңға жануарды тең көрмедім.

Көздері мөлдіреген ақ бөкенді

Адамның баласынан кем көрмедім.

Әдемі екі танау желбіреген.

Елеңдеп жас балаша жалтаңдайды,

Жел түрткен жусаннан да селдіреген.

Бұл күнде келе жатқан жолаушыға,

Кез келеді анда-санда саяқ-некен.
Кей қазақ әдет қылған киік атып,

Мүйізін пайда қылып, шетке сатып.

Сандалған бір киікке ұшырастым,

Бір жылы Бетпақ шөлде келе жатып.

Сандалып қаңғырақтап басын иіп.

Пана іздеп шыбын жанға сүйретіліп,

Мергеннің кеудесіне оғы тиіп.

Қиналып ентігеді шыбын жаны.

Боялып ақ денесі қызыл қанға,

Келеді әлі кетіп жығылғалы.

Жалғыз-ақ сырғандайды қоңылтақ жел.

Меңіреу... тірі жан жоқ... жып-жылмағай.

Ел қайда? Ел алыста - шулаған ел!

Бір тоқтап, анда-санда әлін жиып...

Ақ бөкен сахаранын бота көзі,

Атты екен қандай мерген көзі қиып?

Тілі жоқ, құр жүректе айтар сөзі.

Шағады шыбын жанның қиналғанын

Жалғыз-ақ мөлдіреген екі көзі.

Моншақтап жерге тамған қызыл қанға.

Жапанда басын сүйер тірі жан жоқ,

Әл кетіп сорлы киік жығылғанда!..

Кім екен жапан түзде сені көрген?

Аяныш сезімі жоқ бір қазақ-ау,

Дәл көздеп жүрегіңе атқан мерген!..

1. 
   Киік әдемілігін танытатын сөздер мен сөз тіркестері
   
2. 
   Киіктің әсем әрекетін білдіретін сөздер
   
3. 
   Киіктің бір кезде көп болғаны
   
4. 
   Табиғат қиындығы, онда өмір сүру ауыртпалығы
   
5. 
   Киікті көп ату
   
6. 
   Киік қиналуы: қанның көп ағуы
   
7. 
   Киік азапталуының басқа да түрлері
   
8. 
   Лирикалық қаһарманның, сол арқылы ақынның киік қиналысына, өліміне аяныш білдіруі