Сабақты зерттеуді жоспарлау Мүмкіндігінше, сол пәнді беретін және/немесе сіздің оқушыларыңыздың жасындағы оқушылармен жұмыс істейтін басқа мұғаліммен жұптасып жұмыс істеңіз.
Зерттеу сабағына кіре алатын сабақ жоспарын бірлесіп жасаңыз.
Төмендегі қадамдарды қолданыңыз.
Оқу үдерісінің сапасын арттыру мақсатында өз сабақтарыңызда сынап көргіңіз келген «оқытудағы/оқудағы жаңа тәсілді» айқындаңыз. Мысалы:
Белгілі бір критерийлерді пайдалана отырып, әріптестердің жазбаша жұмысты өзара бағалауы;
Қазақстанның әртүрлі өңірлеріндегі ландшафты зерделеу т.б.
Тақырыбына қарай, сіздің оқушыларыңызға лайықты, нақты күтілетін оқу нәтижесін айқындаңыз. Мысалы:
6 жасар оқушылар гүлдеген өсімдіктерде тамыры, сабақтары, жапырақтары мен гүлдері болатынын білуі тиіс. Олар өсімдіктің әр бөлігінің неге арналғанын білетін болады.
Енді кейс-стадиға қосу үшін сіздің сабақтарыңызда оқушылардың түрлі топтарын көрсететін оқушыларды «іріктеп» алыңыз.
Бұл жазу сияқты пәнаралық дағдыларға немесе ғылыми терминологияны білу сияқты арнайы дағдыларға қатысты оқу үлгерімі жақсы, орташа және нашар оқушылар болғаны дұрыс.
Әр мұғалім өз оқушыларының таңдалған тақырыптар бойынша үлгерімінің динамикасы туралы білімін реттеу үшін «L2W3D4_pupil outlines-каз» кестесін пайдалануы керек.
Осы материалдың соңында келтірілген сабақ жоспарының шаблонын пайдалана отырып, сабақ жоспарының а), b), c) және d) бөлімдерін орындаңыз.
Мысал:
a) Оқытудың/оқудағы тәсілі
«Бірлесіп ойлау» мақсатында оқушылар арасында қарым-қатынасты ынталандыру үшін топтағы жұмысты пайдалану
Оқушылар гүлдеген өсімдіктерде тамыры, сабақтары, жапырақтары мен гүлдері болатынын білуі тиіс. Олар өсімдіктің әр бөлшегінің неге арналғанын білетін болады.
d) Сабақ
Оқушылар төрт адамнан тұратын топтарға бөлініп, қызғалдақты қарастырады және қандай негізгі бөлшектерден тұратыны туралы ойланады.
Сосын олар қызғалдақты құрамдас бөлшектерге кесіп, қағаз параққа желімдейді.
Олар бөлшектердің атауын және функцияларын талқылайды және оларды қағазға жазады.