1. Оқушыларды қауырсыннан әртүрлі заттар құрастыруға үйрету қажетті құрал жабдықтармен таныстыру.
2. Әсемдікті сезінуге және ойлау қабілетін жетілдіріп, шығармашылығын дамыту.
3. Ұқыптылыққа, шеберлікке тәрбиелеу.
Типі: Жаңа сабақты игерту
Түрі: Аралас сабақ
Әдісі: түсіндірмелі, сұрақ - жауап, практикалық
Көрнекілігі: құс қауырсыны, сым темір, ПВА желімі, гуашь.
Күтілетін нәтиже
Психологиялық ахуал
Ұзын құйрық инелік
Инелікке тимелік.
Тікұшақты жасадық,
Инеліктен үйреніп.
Бұлбұл үнін қаншалық
Тыңдап жүрдік тамсанып
Ақырында үйрендік
Тамылжыта ән салып.
Аяз шебер суретші,
Салады әсем суретті.
Терезені оюлап,
Өрнектеуді үйретті.
Оқушылар шеңберде жиналып,мұғаліммен бірге бүгінгі сабаққа сәттілік тілейді.
Қызығушылықты ояту
Ә) Мұғалімнің түсіндірмесі: Мұқият қараңдаршы, шеберлердің қолынан шыққан, қауырсыннан жасалған бұйымдар қандай әдемі! Олардың табиғаттан үйренгендігі бірден көзге түседі.
Жұмыс барысында әр түрлі құс қауырсындарын пайдалануға болады. Жұмысты бастамас бұрын қауырсынды жуып, кептіріп, тарау керек. Қазақ халқы дәстүрі бойынша домбыраға, тұскиізге, тақияға, балалар кеудешесіне үкі қауырсыны тағылады.
III. Оқулықпен жұмыс: Гүлдің жасалу ретімен танысу.
Сабағын ұзынырақ сым темірден жасаймыз. Оны гофрирленген жасыл қағаз жолағымен ораймыз (4 - сурет). Сегіз кішкене, сегіз үлкен қауырсын таңдап аламыз (5 - сурет).
Жіңішке алты сым темірді гофрирленген сары қағаз жолағымен ораймыз. Осылайша гүлдің аталық бөлігін жасадық. Олардың ұшын ПВА желіміне маламыз. Содан соң ұнтақ жармаға батырып алып, қызыл түсті гуашпен бояймыз (6 - сурет).
Дайын болған аталық бөлігін сабағына жіппен (7 - сурет) байлаймыз. Ал кішкене мамық қауырсындарды гүл шоғырына орнатамыз. Сонымен гүл жапырақшаларының өзегі дайын болды.
Үлкен сегіз қауырсынды кішкене жапырақшалардан сәл төменірек орналастырамыз. Қосылған жерлерін гофрирленген жасыл қағаз жолақшасымен ораймыз.
IV. Сергіту сәті: Тербеледі ағаштар
Алдымнан жел еседі
Кіп-кішкентай ағаштар
Біп-биік боп өседі.
V. Өздік жұмыс: 2 - 3 - суреттерге қарап аққулар мен күшікті өздігіңнен құрастыр.
VI. Ой толғаныс: 2 - 3 - суреттегі бейнелер туралы не айтуға болады?
