Жаңа білім мен тәжірибені қолдану. Ой толғаныс кезеңі. Адам ағзасында тамақ қорытылып, артық су, зиянды
заттар үнемі сыртқа шығарылып отырады. Бұл жұмысты
зәр шығару жүйесі реттейді. Зәр шығару мүшелеріне бүйрек, несепағар, қуық жатады. Бүйрек – үрмебұршаққа ұқсас жұп мүше. Оның негізгі қызметі – қанды зиянды заттардан тазартып, зәр түзу. Бүйректің сыртқы жағы дөңес, ішкі жағы ойыс болып келеді. Ойыс жағында несепағар орналасады. Несепағар – түтікше тәрізді мүше. Бүйректе
түзілген зәр осы несепағар арқылы қуыққа өтеді. Қуық – іші қуыс, бұлшықетті мүше. Қуықта зәр уақытша жиналады, кейін несеп өзегі арқылы сыртқа шығады. Зәрдің ағзадан дер кезінде шығарылмауы адам денсаулығына зиян келтіреді. Ағзаны керексіз заттардан, артық су мен тұздардан тазартуға өкпе, тері және асқорыту жүйесі де қатысады. Өкпе арқылы көмірқышқыл газ бен бу түріндегі су бөлінеді. Тері арқылы су мен тұздар термен бірге шығады.Ал тамақтың қалдығы тікішек арқылы шығарылады.
Сен білесің бе? Бүйрек арқылы тәулігіне шамамен 1500 л қан
сүзіліп, тазарады.
Есте сақта! Зәр шығару жүйесінің негізгі қызметі – қанды тазартып, оның құрамындағы зиянды заттарды сыртқа шығару.
