-апта. Мәдени жаңалықтар. Көсемшенің қимыл-сын пысықтауыштық қызметі

Қазақстанда экономикалық ілгерілеу мен саяси тұрақтылық әлеуметтік-мәдени салада реформаларды тиімді жүргізуге кеңінен жол ашты. 1998-2000 жылдарға арналған мемлекеттік мәдениетті қолдау бағдарламасы жасалып, еліміздің мәдениеті мен өнері мемлекеттік қолдауға ие болды. 2000 жыл Қазақстанда Мәдениет жылы болып жарияланды. 2004 жылдан бері «Мәдени мұра» бағдарламасы жүзеге асырылып, халқымыздың тарихы мен мәдениеті жайлы ірі-ірі еңбектер жарық көрді. Елімізде театрлар саны өсті: 2 опера және балет, 33 драм, 4 музыкалық комедия, 4 жасөспірімдер, 5 қуыршақ театры, 73 тұрақты кинотеатр және 266 жылжымалы киноқондырғылар халыққа қызмет етеді. ҚР Статистика агенттігінің деректері бойынша бүгінгі күні елімізде 48 театр, 62 концерттік ұйым, 3539 кітапхана, 154 мемлекеттік мұражай, 8 тарихи-мәдени қорық-мұражай, 2259 клуб түріндегі мекеме, 42 луна-парк пен демалыс саябақтары, 4 хайуанаттар паркі жұмыс істейді. Сонымен қоса, «Азия дауысы», «Жас қанат», «Жігер», «Алтын алма», «Шабыт» халықаралық ән байқауы және де Айтыс мектебі қалыптасып, «Айтыс өнері» өткізіліп тұрады. Фольклорлық өнер ұжымдары, Құрманғазы атындағы ұлттық аспаптар оркестрі, Отырар сазы оркестрі, Салтанат би ансамблі өнер көрсетті.

1. 
   Мәтінмен танысып, іштен оқыңыз.
   
2. 
   Мәтіннен 10 жаңа сөз жазып, сөзтіркестер жасап, аударыңыз және оқып, есте сақтаңыз.
   
3. 
   Мәтінді оқи отырып, сұрақтар құрастырыңыз және маңызды ойға назар аударыңыз.
   
4. 
   Көсемше жұрнақтарын еске түсіріңіз, дәптерге жазып, мысалдар келтіріңіз.
   
5. 
   Мәтінді оқып, өз ойыңызбен толықтырып айтыңыз.
   
6. 
   Сәйкестендіру. Көсемше жұрнақтарын қатыстыра отырып, мағынасы сәйкес сөздермен тіркестіріңіз, Көсемшенің астын сызыңыз.
   

7. 
   Мәтіннен сан есімдер мен жалқы зат есімдерді тауып жазыңыз.