1-тапсырма. Мәтіннен жаңа сөздерді теріп жазып, аударыңыз.
2-тапсырма. Төмендегі сөз, сөз тіркестерімен сөйлем құрастырыңыз.
Бюджет, жалақы, қосымша табыс, отбасы мүшелері, киім-кешек, азық-түлік өнімдері, басқа шығындар.
3-тапсырма. Мәтінді оқып, идеяны анықтаңыз.
Отбасылық бюджет – отбасыңыздың шығыстары мен кірістерін есепке алу. Қаражатты жинақтап, сатып алынатын нәрселерді жоспарлау үшін оны жүргізген жөн. Өзіңіздің болашақтағы қаржылық дағдарыстардан қорғау үшін шығыстарыңызды ойластырып алыңыз – оны қай кезде бастасаңызда кеш емес.
Бөлек отбасылық бюджетте әр отбасы мүшесі өз табысына жеке иелік етеді. Мұндай отбасылар батыс мемлекетінде жиі кездеседі. Олар бір-бірне қаржы жағынан тәуелді болғысы келмегендіктен, отбасы шығынын жеке төлейді, тек аса көп қаражат қажет шығындарда ғана бірлесіп шешім қабылдайды.
Дерекөз:massaget.kz
4-тапсырма. Төмендегі есімшелерді септеңіз.
Көрген, келер, баратын, бермес.
5-тапсырма. Сөз құрамына талдаңыз.
Айтпағанды, келгенді, айтқанды, айтылған, келер.
6-тапсырма. «Отбасы бюджеті кімнің қолында болу керек?» пікір алмасу.
7-тапсырма. Отбасы бюджеті туралы бірнеше деректерден алынған мәліметтерді оқып, қорытынды жасаңыз.
8-тапсырма. «Менің отбасымның бюджеті» деген тақырыпта шағын мәтін құрастырыңыз.
9-тапсырма. Отбасы бюджеті туралы сауалнама сұрақтарын дайындаңыз.
10-тапсырма. Отбасылық бюджеттің табысын арттыру үшін өз жобаларыңызды ұсыныңыз.
10-апта. БОС УАҚЫТТЫ ӨТКІЗУ МӘДЕНИЕТІ.
ГРАММАТИКА: ЕСІМШЕ ФОРМАЛАРЫНЫҢ СЕПТЕЛУІ; ЕТІСТІК +ЕСІМШЕ ЖҰРНАҚТАРЫ+ЖАТЫС СЕПТІК
Бос уақыт – жұмыстан, қызметтен, оқудан тыс демалатын кез. Бос уақыттың басты қасиеті сырттан нұсқау тілемейтін, әр адамның жеке байлығы.
Бос уақыт мәдениеттілігі теориясы – бірқатар ортақ белгілері бойынша ерекшеленетін адамдардың ұжымдық және жеке өмір салты.
Бос уақытты ұйымдастыру үшін – саяхат, мәдени іс-шаралар, спорт және ойын-сауық орындары бар.
Балалардың бос уақытын әлеуметтік мақсатта пайдалану ортақ мәдениетпен, педаготың және ең бастысы ата-ананың эстетикасымен тығыз байланысты.
Шығармашылық – бос уақытты тиімді өткізудің ең еркін түрі. Адамның өмірі шығармашылық белсенділікке орын болған кезде ғана толыққанды бола алады, өйткені адам шығармашылықта өзінің мүмкіндіктерін жүзеге асырады.
Достарыңызбен бөлісу: |
