Шағын жинақты мектеп және оның ерекшелігі
Шағын жинақталған мектепте көрнекіліктер жасауға қойылатын талаптар
жүктеу/скачать 92,18 Kb.
|
- Бұл бет үшін навигация:
- 13. Бастауыш ШЖМ-тегі жұмытың тиімділігін анықтау
- 14. Шарттары.
| 12. Шағын жинақталған мектепте көрнекіліктер жасауға қойылатын талаптар.
Көрнекілік – оқу материалын оқушы көңіліне оңай да, әсерлі жолмен жеткізуші көмекші құрал. Көрнекіліктерді қолдан жасау – аса күрделі дүние. Оған қойылатын басты талаптар мыналар: Жазуын соңғы партада отыратын бала да оқи алатындай болу керек. Көркемдеуі, безендіруі, бояулары әлем-жәлем емес, қарапайым, оқушы жан жүйесіне, көру қабілетіне кері әсер етпейтіндей, мектеп гигиенасына сай жасалуы керек. Қолдануға оңай әрі мазмұнды болуы керек. Тұжырымдылық, нақтылық, ғылыми жағынан тереңдік те басты шарт. 13. Бастауыш ШЖМ-тегі жұмытың тиімділігін анықтау Біріктірілген сыныптарда кіріктіре оқытудың тиімді жақтары төмендегідей: оқушылар әртүрлі сыныпта оқығанымен, олардың назарын бір пәннің мазмұнындағы ұқсас тақырыптарға аударуға мүмкіндік жасалады; - әр оқушы білім деңгейіне қарай өзіндік жұмыс түрлерін орындайды; - өзіндік жұмыстарды оқушының жас ерекшелігіне қарай деңгейлеп беруге болады; - оқушылардың бір-біріне көмектесіп, ұжымдық қарым- қатынасқа түсуіне мүмкіндік беріледі; - балалардың саны аз, сондықтан мұғалім әрбір оқушыны, оның қызығушылығын артыруына, жақсы тануына көп мүмкіндік бар; - дәптер тексеруге аз уақыт жұмсалады; - оқушылардың тәртіп бұзушылығы аз болады; - оқушылар бірінші сыныптан бастап, өз бетімен жұмысқа бейімделеді; - бір оқу бөлмесінде күнделікті бірге болғандықтан, жоғары сынып (3 - 4 сынып) оқушылары кіші сынып оқушыларына көмек береді; - әрбір баланың білім денгейлерін анықтап, олардың білім, білік, дағдыларының денгейлерін көтеруге мүмкіндік мол; ШЖМ - тің жоғарыда келтірілген артықшылықтармен қоса қиыншылықтары да бар: - шағын жинақты мектептер орта мектептерден алшақ орналасады, сондықтан мұғалімнің басқа оқытушылардың сабақтарына қатысып, араласу, тәжірибе алмасу, үлгі алу мүмкіндіктері аз болады, шыңдалудан гөрі жауапкершіліктері төмендейді; - мұғалімдер ұжымының аздығына қарай, әрбір мұғалімнің шығармашылық белсенділігінің артуына жол болмайды, себебі біріктірілген сынып мұғалімдері санаулы ғана болады. - сабаққа дайындалуда оқытушы шектен тыс жүктеме орындайды; - мұғалім әрбір сыныппен сабақтың белгілі бір бөлігінде ғана жұмыс жасауға мүмкіндігі бар, ал қалған уақытта тек оқушылардың өздік жұмысын ұйымдастыруға, оны басқаруға ғана жұмсалады; - мұғалімнің зейіні екі немесе одан да артық сынып оқушыларына бөлініп отырады; - оқушылардың өздік жұмысы басқа сынып оқушыларының шуылы, кедергі жасауы барысында жүргізіледі, мұның өзі оқушының тапсырманы түсіне отырып орындауына кері әсер етеді; - өзіндік жұмысты орындау барысында оқушылар мұғалім тарапынан жеткілікті мөлшерде көмек ала алмайды; - ШЖБМ оқушылары көпке дейін өз ойын ашық айтуға, қандай да бір мәселені ауызша талдауға, өзгенің талдауын, талқылауын, ойын тыңдаудан кейін қалады; 14. Шарттары. Жалпы жаңа жүйе бойынша оқыту жұмысын ұйымдастыру шарттары: • сабақтың оқу бағдарламасына сәйкес жоспарлануы; • бірнеше сыныптың оқу материалының бір тақырыптың жүйеге ыңғайластырылуы; • көрнекі дидактикалық құралдардың алдын ала дайындалуы; • сабақ тақырыбының өзара байланысы; • сыныптарды комплектіге дұрыс біріктіру; • сабақтардың кестесін дұрыс жасау; • тиімді оқыту әдістерін таңдау; • сабақтың максатқа сай келетін құрылымын анықтау; • оқушылардың өздік жұмыстарын мұғалім басшылығымен істелетін жұмыстармен ауыстырып отыру; • мұғалімнің 4-5 рет жұмыс түрін ауыстыруы; • барлық сыныптарда тәрбие процесін жүргізу. жүктеу/скачать 92,18 Kb. Достарыңызбен бөлісу:
|