стро-пи-ла, встре-ча т.б. Осыған байланысты орыс тілінен енген сөздерге дауысты дыбыс қосылып қолданылады. Мысалы: стол - үс-тел, кровать - ке-реу-ет, т.б.
3. Қазақ тілінде буыңның соңында да дауыссыз дыбыстар саны біреуден артық болмайды. Басқа тілдерден енген сөздерде бұл шарт бұзыла береді. Сондықтан мұндай ретте қабаттасып келген дауыссыздардың арасына дыбыстар сыналай кіреді:ромб - ром-бы, киоск - ки-ос-кі т.б. Бірақ көне түркілік рт, лт, нт рудименттері бұл заңдылыққа бағынбайды: өрт, жылт (ету), ант, серт, т.б.
Екпін (Ударение).Сөз ішінде бір буынның күшті айтылуын екпін дейміз. Қазақ тілінде екпін сөздің соңғы буынына түседі. Бұл қағида тюрқологияда бір ғасырдан астам уақыттан бері айтылып, қайталанып келеді.
Алайда Ә.Жүнісбеков қазақ тілінің фонетикалык жүйесін мұқият зерттеудің нәтижесінде үндіеуропа тілдеріне тән осы құбылыстың орынсыз тықпаланып келгенін, түркі тілдерінде сөз екпінінің жоқ екенін, оның қызметін сингармонизм атқаратынын айтады. Бұл мәселе тюркологгар тарапынан бірыңғай қолдау таба қойған жоқ.
