Ірі қара мал ұлтабарлары мен шошқа асқазандарын мал сою және ұшан бөлу цехында майсыздандырады, ішіндегісінен босатады және фермент шығыны болмайтындай етіп жуады. Жуу ұзақтығы 3-5 сек, ағын судың күші-әлсіз, су температурасы 25 С-тан аспау керек (жоғары температура әсерінен фермент активтілігін жоғалтады).
Ірі қара мал ұлтабарлары мен шошқа асқазандарын мал сою және ұшан бөлу цехында майсыздандырады, ішіндегісінен босатады және фермент шығыны болмайтындай етіп жуады. Жуу ұзақтығы 3-5 сек, ағын судың күші-әлсіз, су температурасы 25 С-тан аспау керек (жоғары температура әсерінен фермент активтілігін жоғалтады).
Субөнімдер цехында ұлтабарлардан және шошқа асқазандарынан ұшадан ажыратылған соң 45-60 миннуттан кешіктірмей ірі қара мал ұлтабарларын бойымен, ал шошқа қарындарын үстіне тіліп шырышты қабығын алып тастайды. Содан соң оларды ағаш болванкаларға кигізіп, пышақпен шырышты қабығын мұқият кесіп алады. Шырышты қабықтан ажыратылған ұлтабрлар мен асқазандарды центрифугада немесе ваннада жуады. Егер шырышты қабықты ажырату керек болмаса, оларды жидітіп, жуады.
Барлық мал терлерінің шырышты субөнімдерін өңдеуге арналған ЛОСС желісі келесі түрде жұмыс істейді. Ыстық суы бар (65-67 С) ваннада орналастырылған себеттерге субөнімдерді салып, алдын-ала 8-10 мин аралығында жидіту жүргізіледі. Содан соң себеттерді көтерілмелі-бұрылмалы кран көмегімен центрифуганың тиегіш алқымына беріледі. Тиеу алдында центрифуга жұмыс істеп тұруы, ал барабанға ыстық су берілуі керек. Жидіту мен шырышты қабықтан тазалауды 6-10 мин жүргізеді. Соңғы жууды екінші центрифугада орындайды. Шырышты субөнімдерді өңдеуге арналған ЛОСС жалісінің өнімділігі 500кг/сағ.
Жүнді субөнімдерді өңдеу. Жүнді субөнімдерді өңдеу кезінде жеуге жарамсыз бөлікті (шаш, қылшық, мүиізді тұяқ, эпидермис), сонымен қатар ластарды бөліп алады. Жүнді субөнімдерді өңдеу келесі негізгі операциялардан тұрады: жуу; жидіту; шаш жамылғысынан тазарту (шашсыздандыру); үйіту; күйген бөліктерден тазалау және жуу. Барлық жүнді субөнімдерді өңдеу арналған жалпы операциялардан басқа сиырдың сүйек буындарынан және шошқа аяқтарынан жидіту мен шашты (қылшық) тазаланған соң мүйізді тұяқтарды бөледі. Шошқа және қой бастарын олардан ми мен гипофизді ажырату үшін шабады. Шаштар (қылшық) субөнімдерден бір-біріне немесе центрифуга элементтеріне үйкелу нәтижесінде бөлінеді. Үйкеліс күші мүйізді тұяқтың, эпидермистің немесе шаштың субөнімдердің басқа бөліктерінің тіркесу күшінен ауысуы керек. Тіркесу күшінің субөнімдер түріне, мал түрі мен жасына, т.б. факторларға байланысты және ол жылумен өңдеу (жидіту) арқылы төмендеуі мүмкін.
Ыстық су әсерінен шаш қалтасы жұмсарады, мүйізді тұяқ қызады және оны дермамен байланыстырушы қабаттар жұмсартады, эпидермистің беріктілігі төмендейді.
Центрифугаға түсетін су температурасы субөнімдерді өңдеу дәрежесіне және шаш (қылшық) құрамына едәір шамада әсер етеді. Сондықтан оны термореттегіш көмегімен қатаң белгілі деңгейде ұстап тұру керек:сиыр субөнімдері үшін – 65-68 С, шошқа субөнімдері үшін – 60-63 С. Жұқа шаш жамылғысы бар қой бастарын өңдеу барысында жидіту температурасы 68-70С.
