10-тапсырма. Топтық жұмыс. Тақырыпқа сәйкес пікірлерді өз көзқарастарыңыз тұрғысынан дәлелдеп, жалғастыра отырып ой бөлісіңіздер. 1.Қазақ халқы «Ата көрген оқ жонар, шеше көрген тон пішер», «Ұяда не көрсең, ұшқанда соны ілерсің», «Кішіге ізет, үлкенге құрмет» деген екен. Осы өлшемдерге қарап отырсаңыз, бар мәселе отбасынан басталады екен. Сондықтан ... . 2. Қазақ отбасында баланың ерте есеюіне көп көңіл бөліп, оны ерте жастан-ақ жауапты іске үйретіп отырған. Мысалы, бес жасында атқа мінгізіп, бәйгеге қосу, қозы баққызу, үлкендердің арасындағы дауды шешу, келіссөз жүргізу тәрізді істерге бірге ертіп жүрген. Оны мына деректермен дәлелдей аламын: ... . 3.Халқымыздың бала тәрбиесіндегіөзіне тән жарасымдылықтың бір ұшы олардың жасы кішісінің үлкеніне «сен» деп сөйлемеуі, алдын кесіп өтпеуі, үлкен тұрып кішінің, әке тұрып ұлдың, шеше тұрып қыздың орынсыз сөйлемеуінде екендігі белгілі. Осыған байланысты мынандай қорытынды жасаймын: ... .
11-тапсырма. Тыңдаңыз. Сөз және сөз тіркестерімен танысыңыз.
Сәби, ат қою, текті, тыйым салу, енші алу, ерулік, сыбаға, шаңырақ көтеру, баулу, әдет-ғұрып, кәде.
12-тапсырма.Ойтүрткі сұрақтарға жауап беріңіз. 1. Отбасы құндылықтары дегенді қалай түсінесіз?
2. Сіз қазақ халқының қандай дәстүрлерін білесіз?
3. Балаға қатысты дәстүрлерді білесіз бе?
4. Өз үйіңізде қандай дәстүрлер жасалады?
