Тоқ ішектің лимфа түйіндері - ішектің қабырғаларынан жннал-ған лимфаны құрсақ цистернасына құяды.
Тік ішектің лимфа түйіндері - лимфаны тік ішектен, жамбас қуысының жоғарғы жағынан жинайды да, құйымшақ лимфа түйіндеріне береді.
Ұшаның ЛТ.
Төссүйек алдыңғы лимфа түйіндері - төссүйектің оң жағында май арасында орналасқан лимфаны төсті қоршап жатқан бұлшық еттерден, қабырға аралығындағы еттің төмен жағынан, шеміршектерден, құрсақ бұлшық еттерінен, құрсақ көк етінің алдыңғы жағынан, үлпершектен және бауырдан жинайды. Жиналған лимфаны кеңірдектіңлимфа өзегіне береді.
Қабырғааралығындағы лимфа түйіндері – қабырғалар мен омыртқа-лардың қосылған жерінде жатады. Лимфаны иық белдеуінің еттерінен, омыртқаларынан, қабырғалар мен қабырға плевраларынан және көкірек қабырғаларының бұлшық еттерінен жинайды. Лимфаны төстің өзегіне құяды.
Мойынның үстіңгілимфа түйіндері - иық буынының алдынғы жағында орналасқан ұзындығы 7-8 см. Лимфаны мойынның терісі мен етінен, шоқ-тықтан, жотасынан, әукесінен, көкірек сүйегінен (8-10-шы қабырғаға дейін) және алдыңғы аяқтың терісі, еті, буыны мен сүйектерінен жинайды. Жиналған лимфаны мойынның оң жақтағы үстіңгі лимфа түйіндері кеңірдек өзегіне құйса, сол жақтағы лимфа түйіндерін төстің өзегіне құяды.
Мойынның тереңдегі лимфа түйіндері - олар үшке бөлінеді. Оның алдыңғысы қалқанша бездің қасында, ортаңғысы кеңірдектің орта бөлімінде, ал соңғысы бірінші қабырғаның тұсында жатады. Лимфаны мойынның тереңдегі бұлшық еттерінен өңеш пен кеңірдектен жинайды. Оған қоса жұтқыншақ сілекей безінен және қалқанша безден де жинайды. Жиналған лимфаны кеңірдек өзегіне береді.
Қабырға-мойын лимфа түйіндері - бірінші қабырғаның төменгі жағын-да орналасқан. Лимфаны мойынның тереңдегі бұлшық еттерінен, қабырға плеврасынан, жауырын еттерінен, иық белдеуінен жинайды да, төс өзегіне құяды.
Қолтық асты лимфа түйіндері - үшінші қабырғаның тұсында, иық белдеуі мен көкірек қабырғасының аралығында орналасқан. Лимфаны иық пен алдыңғы аяқтардың еттерінен, сүйектерінен, буындары мен терісінен жинайды да, қолтық асты бірінші қабырғаның лимфа түйіндеріне құяды.
Достарыңызбен бөлісу: |
