Үздіксіз білім беруде педагогтардың ағылшын тілін меңгеруге даярлығын зерттеудің психологиялық-педагогикалық ерекшеліктері
жүктеу/скачать 3,93 Mb. Pdf көрінісі
|
| Белсенді оқыту әдістері мен кәсіби ойындарды қолдану арқылы
педагогикалық технологияларды жасау Алға қойылған мақсатқа жетуге бағытталған педагогикалық технологияларды құру үшін ыңғайлы болып біздің пікірімізше схема және модульді-блоктық оқытудың принциптері табылады.Олар мейлінше тиімділік тұрғысынан біздер таңдаған инновациялық әдістер, яғни белсенді оқыту әдістері мен кәсіби ойындарды қолдануға мүмкіндік береді. Блоктық-модульдік оқытуда әрбір оқу пәні ереже бойынша, мотивациялық модульден басталады. Мотивациялық модуль – бұл үздіксіз білім берудің кіндігі. Бірінші курста жалпыға білім беретін пәндер мазмұнында бұл модуль түрлі білім беру деңгейлері арасындағы байланыстырушы звено рөлін атқарады (жоғары оқу орнында — мектеп пен жоғары оқу орны арасындағы). Модуль кезінде практикалық сабақтарда кіріспе бақылау жасалады. Сонымен қатар, мотивациялық модуль берілген пән қандай мақсатпен оқытылып жатыр және оның өзге пәндерді оқытудағы маңызы қандай және оқып-білім алушылардың болашақ мамандықтары үшін оның орны қандай деген сұрақтарға жауап беруі тиіс. Дегенменен білім берудің басым бағыттарының бірі де оқып-білім алушылардың өзін-өзі дамыту қабілеттерін тудыру болып табылады, яғни көрсетілген проблемаларды шешу (адаптация проблемасы десек) осы мәселеге бейімделген әдістердің көмегімен жүргізген дұрыс болады. Бұл әдістер эвристикалық және шығармашылық деңгейлер 72 әдістері. Оларға оқыту әдістері мен кәсіби ойындар секілді инновациялық әдістер жатады. С.М. Жақыповтың біріккен-диалоггты танымдық іс-әрекетті дамыту тұжырымдамасына сәйкес, тиімді қарым-қатынас жүйесі бірлескен-диалогтік танымдық іс-әрекет көрсеткіштері арқылы ашылады. Бірлескен-диалогтік танымдық іс-әрекеттің негізгі нысаны топтық пікірталас, бұл жерде қатысушылар өз көзқарастарын білдіріп, қарсыластармен пікірталасқа түседі, яғни ой мен қабілеттер жарысқа түсіп, стереотипті ойлау, догматикалық көзқарас және бағалау талқыланады. Бірлескен-диалогтік танымдық іс-әрекет студенттердің аналитикалық қабілеттерін ұйымдастырады және дамытады, салыстыруға, ең бастысы бөлуге, ақпаратты сын тұрғысынан бағалауға, қорытынды жасауға, жалпылауға, өзіндік пікірлерді дәлелдеуге үйретеді. Ұжымдық ойлау іс-әрекетінің осындай ұйымы ақыл-ой еңбегінің іскерлігін белсенді жаттықтыруға, студенттердің шығармашылық қабілеттерін дамытуға нақты мүмкіндік береді. Тұлға субъектілігінің қалыптасуына уақыт пен жағдай керек екені белгілі. Қазіргі кезеңде психологиялық қолдау көрсетудің “белсенді білім беру технологиялары” кең таралған. Оларға тренингтер, іскерлік ойындар жатады. Бірақ олардың сөзсіз артықшылықтарына қарамастан, бірінші кезекте, тұлға әрдайым осындай оқиғалардан тәжірибе жинақтап, іс жүзінде мұндай тренингте, әдетте, тұлғаның нақты жағдайымен резонанс тудырмайтын жалпы, «жаһандық» мәселелермен айналысады. Көбінесе, бұл жағдайда жеке тұлғаларға өзінікі ретінде қабылдай алмайтын, яғни өзінің табиғатына жат белгілі бір мінез-құлықтар ұсынылады. Іскерлік ойындарда белгілі бір проблемалық жағдай анықталып, оған жеке тұлға орналасады. Бұл модельде ол оны шешеді. Бірақ, ереже бойынша, ойынның мақсаты – олармен болып жатқан оқиғаларға қатысушылардың қадамдық ойлары мен емес, проблемалық жағдайларды шешудің жолдарына арналған. Нәтижесінде, тұлға бұл мәселені шешудің дайын әдістерін «игереді», бірақ оны алу процесінің жеке тәжірибесін емес. «Өмірге», басқа жағдайға ауысу тренинг жағдайынан өзгеше, алынған нәтиже үнемі пайдаланылмайды және жаңа әдісті жасау қиынға соғады [46, б. 55]. Осылайша, «дайын шешімдер әдісі» тұлғаның жылдам өзгеретін жағдайларда тиімді әрекет етуіне жол бермейді, демек, олар тұлғаның субъективтілігін дамытуға қолдау көрсетуде нәтижелі емес. Сабақтастықты қалыптастыру мәселесі білім беру аясында дамиды. жүктеу/скачать 3,93 Mb. Достарыңызбен бөлісу:
|