13 дәріс Оқытудағы диагностика және бақылау Оқушылардың тұтас педагогикалық үдерістегі танымдық іс-әрекетін белсендендіру



бет1/3
Дата21.12.2022
өлшемі3,03 Mb.
#58668
түріСабақ
  1   2   3

13 дәріс Оқытудағы диагностика және бақылау Оқушылардың тұтас педагогикалық үдерістегі танымдық іс-әрекетін белсендендіру


Жоспар
  • Оқыту сапасын диагностикалау
  • Оқушылардың тұтас педагогикалық үдерістегі танымдық іс-әрекетін белсендендіру
  • Оқушылардың белсенді танымдық іс-әрекетін ұйымдастырудың негізгі құралдары

Білімді тексеру мен бағалау – оқыту үдерісінің құрамдас бөлігі. Бұл оқушылардың оқу әрекетіне жүйелі түрде сабақта, не үйде ауызша, жазбаша, графикалық және тәжірибелік жүмыстар арқылы бақылау жүргізу болып табылады. Тексеру мен бағалау арқылы оқушының әр деңгейдегі алған білім дәрежесі олардың дайындалу барысындағы жетістіктері мен кемшіліктері, мұғалімнің жұмыс деңгейі, тоқсандық және жылдық бағаларының қойылуы, оқушылардың аттестациялануы, келесі сыныпқа көшірілуі және де келесі деңгейдің білімін алуға қабілеті анықталады.
Білімді тексеру мен бағалау бақылау, оқыту, білім беру, тәрбиелеу, түзету хабарландыру және ақпараттық сияқты қызметтерді атқарады. Мұғалім тек қана оқушының білімін бағалап қана қоймай, сонымен қатар әр оқушының жетістіктерін қорытындылап, оқу-тәрбиелік үдеріске түзетулер еңгізіп және ата-аналар мен өзгелерге оқушының жетістіктері мен кемшіліктерін хабарлап отыра алады.
И. Лернер, Ю. Бабанский білім сапасының түрлеріне келесі сипаттамалар береді.
Білімнің дұрыстығы. Оқушының бойындағы білімнің толықтығы оқылатын нысана туралы барлық білімдердің санымен анықталады.
Оқушы: а) білімнің барлық жетекші элементтерін атап бере алады; ә) әрқайсысына анықтама бере алады; б) негізгі белгілерін сипаттап бере алады.
Білімнің әрекеттілігі оқушының білімді әр түрлі жағдайда қолдана алуымен сипатталады. Оқушы: а) алған білім мен біліктіліктерін қолдану арқылы жаттығулар мен тапсырмалар орындай алады; ә) оқылғанды сәйкес өмір құбылыстарын талдау үшін қолдана алады.
Білімнің саналылығы – білімнің, ішкі байланыстардың мәнділігін түсіну, талдай, салыстыра, дәлелдей, жан-жақты аша, бағалай және түсіндіре білу.
Оқушы: а) сабақтағы түсініктер мен айғақтар өзара қалай байланысқанын, не қандай нәрсеге бағытталағандығын, не қандай нәрседен шығатындығын көрсете алады; ә) оқылатын құбылыстардың ортақ ерекшеліктерін тауып, оларды салыстыра алады; б) құбылыстың, оқиғаның және т.б. себептерін аша алады; в) жан-жақты түсіндіріп, түйін және қортынды жасай алады. Білімнің тереңдігі берілген білімнің басқалармен, оған ұқсас білімдермен саналы байланыстығымен сипатталды.

Білімнің оперативтілігі оқушының ұқсас жағдайларда білімді пайдалана алуға даярлығын қарастырады. Оқушы өз білімін қолдана алатын жағдайлар көп болса, білімнің оперативтілігі соғұрлым нақты көрінеді .
Білімнің жүйелілігі кейбір білімнің жиынтығын, иерархиясын және тізбектілігін саналы түрде мойындауын, яғни, бір білімді екінші біреулері үшін базалық білім ретінде мойындауын болжайды.
Білімнің беріктілігі – барлық көрсетілген сапалардың саны мен тұрақтылығы.
Білім сапасы – оқушылардың оқу-танымдық іс-әрекетінің нәтижесін сипаттайтын салыстырмалы тұрақты білім құрылымының біртұтас жиынтығы.


Достарыңызбен бөлісу:
  1   2   3




©emirsaba.org 2024
әкімшілігінің қараңыз

    Басты бет