ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
| Оспан Жандос
Нұр-Мүбәрәк Египет ислам мәдениеті университеті Дінтану 3-курс. мінсіЗ ШЕбЕР АллАҺЫм Қалам алдым ағаштан мен жонылған, Күрең түсті сиясы оның қоңырдан. Ақ қағазды арқау етіп астынан, Дүрсілдеген жүрегімнің соққысы да тосыннан. Әрбір нәрсе паш етеді шеберлігін Аллаһтың, Шеберлігін жырға қосқан әлсіз жанды қаңбақпын. Айтатындай қызыл тілдің құдіреті жетпейді, Сондадағы жүрек байғұс солай қарай беттейді. Аллаһтың шеберлігін таңдай қағып қараймыз, Шеберлігің тануменен шөлі қанған жандаймыз. Күңіренген күрең күзде сәуле берген күн нұры, Аллаһтың ғой шеберлігі шеберліктің ең ұлы. Мұхит, теңіз, көл мен өзен сия қылсан ағатын, Ормандағы барша ағашты қалам қылсаң жазатын. Жайма шуақ жазық жерді парақ етіп тағатын, Шеберлігін жаза алмаспыз сабырменен бағатын. Жоқ нәрсені бар ететін әлемнің Ол Тәңірі, Бар нәрсені жоқ қылатын Аллаһтың ғой әмірі. «Кун фа якун» десе болды, жаратушы Жаппар, Мадақтардың ең ұлысы «Аллаһу акбар». 236 Аллаға мадақ Дүниеге келмей тұрып бізбен бірге Кім болды? Қалай ғана бір тамшыдан кемелдікке толды. Мінсіз мүше, сұлу сымбат бойымызға Кім берді? Аллаһымның шеберлігін жүрек көзі көрді. Қатпар-қатпар тарамдалған қарашы сен дүниеге, Сенде шүкір етесің ғой шебер болған Иеңе. Таумен-тасын, жан-жануар, өсімдікпен адамын, Бәрі-бәрі көз тоярлық шеберлігі Аллаһтың. Шыр етіп біз бес күн жалған дүниені ашқанда, Қос аяқтап қара жерді басқанда. Өмір атты тіршіліктің кілтін кімдер алды, Аллаһ шебер мінсіздікпен көкірекке салды. Жазу-сызу, оқуды біз білместен, Ең алғашқы ұстазды да көрместен. Атап айттық заттарды біз кез келген, Аллаһ мұңсыз сол сөздерді берген. Баршасының ішінде ол шеберлігі ең кемел, Аллаһ шебер, жан жоқ оған тең келер. Шеберлігің көзбен көріп адам естен танатын, Жарата алмас барша адамзат шыбынның да қанатын. Түрлі-түсті безендіріп бояулармен салынған, Аты Оның барша адамға танылған. Суретшіге таңқаламыз суретін көпке таратқан, Айтшы достым сол суреттің негізін кім жаратқан. Тұнып тұрған табиғатқа таңданамыз таласа, Жапырақта жерге түспес Аллаһ егер қаласа. 237 Таңдаулы діни өлеңдер Сан алуан шырындалған жеміс жерден шығады, Аллаһымның шеберлігін көкірек көзі ұғады. Қар жамылған тұла бойы асқар тау, Жасыл майса көмкерілген асыл бау. Қар жаудырып қыс мезгілге сән берген, Шебер жоқ қой Аллаһыма тең келген. Тамшылары қосылмастан жаңбыр жерге жауады, Күн мен айда қозғалуымен өз орнынан ауады. Бір-біріне ұқсамайтын қарлар жерді жабады, Бұның сыры неде жатыр, жауабын кім табады. Ал ендеше айтып-айтпай не керек, Шеберлікті танитындай ой зерек. Тән емес қой шебер сөзі адамға, Арнаймын мен шебер сөзін Аллаға. |