Қабылдаушы және таратушы антенналар эффективті жұмыс жасау үшін оларды бірнеше параметрлер бойынша сәйкестендіру керек.
Кеңістіктік:
Антенналар екі режимде жұмыс жасайды: таратушы және қабылдаушы. Таратушы режимде қорек көзі арқылы туындайтын электрлік тоқ антеннаның тоқ өткізгіш элементтері арқылы таралады да өз айналасында электр өрісін тудырады. Ал айнымалы электр өрісі магнит өрісін тудырады. Нәтижесінде антеннадан кеңістікке таралатын электромагнитті толқынды тудыратын электромагнитті өріс пайда болады. Қабылдаушы режимде антеннаға келген электромагнитті толқындардың электромагнитті өрісі тоқты антенна конструкциясының тоқ өткізуші элементтеріне туралайды. Тураланған тоқ қабылдағыштың кіріс импедансында кернеуді туындатады.
Поляризациялық:
Кез келген антенна белгілі бір поляризациядағы радиотолқындарды таратады немесе қабылдайды. Көбінесе горизонталь немесе вертикаль. Поляризацияны өзгерту үшін горизонтальды немесе вертикальды ось бойынша антеннаны 90-қа бұру қажет. Электр өрісінің ориентацясы радиотолқынның поляризациясын анықтайды. Егер электр өрісінің тізбегі (линия) жер бетімен салыстырғанда вертикаль орналасса, ондай толқын вертикальды поляризацияланған. Ал егер горизонталь орналасса, горизонталь поляризацияланған деп аталады. Екі антенна арасында байланыс жақсы орнау үшін таратушы антенна мен қабылдаушы антеннаның поляризациясы сәйкес болуы керек.