Жоба қазақстан республикасы жоғАРҒы сотының нормативтік қаулысы 2020 жылғы № Нұр-Сұлтан қаласы
жүктеу/скачать 153,14 Kb.
|
proekt popravok v np po uk i upk kaz
- Бұл бет үшін навигация:
- I. Қазақстан Республикасы Жоғарғы Сотының мынадай нормативтік қаулыларына өзгерістер мен толықтырулар енгізілсін
- 2. «Соттардың қылмыстардың қайталануы туралы заңдарды қолдануы туралы» 2007 жылғы 25 желтоқсандағы №8
|
ЖОБА ҚАЗАҚСТАН РЕСПУБЛИКАСЫ ЖОҒАРҒЫ СОТЫНЫҢ НОРМАТИВТІК ҚАУЛЫСЫ 2020 жылғы ________ № _ Нұр-Сұлтан қаласы Қазақстан Республикасы Жоғарғы Сотының кейбір нормативтік қаулыларына өзгерістер мен толықтырулар енгізу туралы I. Қазақстан Республикасы Жоғарғы Сотының мынадай нормативтік қаулыларына өзгерістер мен толықтырулар енгізілсін: 1. «Қылмыстық құқық бұзушылықтардың бірнеше рет жасалуын және жиынтығын саралау туралы» 2006 жылғы 25 желтоқсандағы № 11 (Қазақстан Республикасы Жоғарғы Сотының 2011жылғы 21 сәуірдегі № 1; 2017 жылғы 31 наурыздағы № 3 нормативтік қаулыларымен енгізілген өзгерістермен және толықтырулармен): 1) 2-тармақ мынадай мазмұндағы үшінші және төртінші абзацтармен толықтырылсын: «Қылмыс пен қылмыстық теріс қылық өзара бірнеше рет жасауды құрамайды. Әрекетті бірнеше рет жасау белгісі бойынша саралау және ҚК-нің 54-бабы бірінші бөлігінің 1) тармағына сәйкес қылмыстардың бірнеше рет жасалғандығын кінәлі адамның қылмыстық жауаптылығы мен жазасын ауырлататын мән-жай деп тану кезінде, егер бұрын аяқталған ұқсас қылмыс, сондай-ақ оған оқталу, бірлесіп орындау не осы қылмысқа бірлесіп қатысу орын алған болса, қылмыс бірнеше рет жасалған деп танылады.»; 2) 19-тармақ мынадай мазмұндағы үшінші сөйлеммен толықтырылсын: «Бұл ретте, егер жасалған әрекеттер ҚК-нің Ерекше бөлігінің дәл сол бір бабында немесе бабының бөлігінде көзделсе, онда екінші қылмыстық құқық бұзушылық (аяқталған немесе аяқталмаған) бірнеше рет жасалу белгісі бойынша саралануға жатады.»; 3) 20-тармақта: орыс тіліндегі мәтінге өзгеріс енгізілді, қазақ тіліндегі мәтін өзгермейді; «2002 жылғы 15 тамыздағы №19» деген сөздер «2018 жылғы 20 сәуірдегі №4» деген сөздермен ауыстырылсын. 2. «Соттардың қылмыстардың қайталануы туралы заңдарды қолдануы туралы» 2007 жылғы 25 желтоқсандағы №8 (Қазақстан Республикасы Жоғарғы Сотының 2011 жылғы 21 сәуірдегі №1; 2018 жылғы 20 сәуірдегі №8 нормативтік қаулыларымен енгізілген өзгерістермен және толықтырулармен): 1) 5-тармақ мынадай мазмұндағы үшінші абзацпен толықтырылсын: «Адамның бұрынғы соттылықтары туралы материалдар апелляциялық сатыдағы сотқа ұсынылған жағдайда, олар назарға алынбайды және оған жол берілмейді, бұл туралы апелляциялық қаулыда көрсетіледі.»; 2) 9-тармақта: үшінші сөйлемдегі «қылмыстың қайталану түрлерін анықтау кезінде» деген сөздер алып тасталсын; мынадай мазмұндағы екінші абзацпен толықтырылсын: «ҚК-нің 60-бабын қолдану және өтелмеген соттылықтарды санамалау кезінде үкімнің кіріспе бөлігінде негізгі, сонымен қатар қосымша жазаның түрі мен мөлшерін көрсету керек.»; 3) 12-тармақтағы «құқықтық зардаптардың» деген сөздер «қылмыстық құқық бұзушылықтардың салдарларын» деген сөздермен ауыстырылсын; 4) 24-тармақтағы «қылмыстық құқық бұзушылықтардың» деген сөздер «қылмыстардың» деген сөзбен ауыстырылсын; 5) 27-тармақтағы «2005 жылғы 20 маусымдағы №3» деген сөздер «2019 жылғы 31 мамырдағы №1» деген сөздермен ауыстырылсын. жүктеу/скачать 153,14 Kb. Достарыңызбен бөлісу:
|