Əуелі қайдағы бір зымыран Ғарыштық қабылдау орталығына ха-
бар-ошар салмай, Тістінің тартылыс өрісіне кірді де кетті. Сосын ептеп төмендеп, планетаның ең тұйық орбитасына түсіп алды. Енді оған не басқа жаққа ұшып кету, не Тістіге өз бетімен көну жоқ (А.Мар-
хабаев).
Қайта, керісінше бейне үстеулері контексте іс-қимылды сипаттамай,
модальдік мағына үстейтін жайттар кездеседі. Мұндайда олар қатысып
тұрған сөйлемдегі ой тиянақталу үшін ол сөйлемді өзімен көршілес
басқа сөйлемдердегі оймен, оқиғамен салыстыруға тура келеді, яғни, бұл
үстеулер сөйлемді контекстке бағынышты етеді.
Ыққан, жасқанған момындық пішіні қазақ жүзінде жоқ. Оны қалай тесірейе қараса да, ұлық көздері таба алған жоқ. Қайта, көпшілікте қолдан жасаған сыртқы момындықтың ар жағынан айқын көрініп тұрған кекесін мазақ, нығыздық белгісі бар (М.Əуезов).
Үстеулер қатысқан сөйлемдегі ой көршілес бір сөйлем ғана емес, үл-
кен контекст арқылы да тиянақталатын жайт болады.
